Лавров: АҚШ Еуропаға ядролық қаруды пайдалану жолын үйретуде
Ресей Сыртқы істер министрі: "АҚШ Еуропа елдеріне Мәскеуге қарсы ядролық қару-жарақтарды пайдаланудың жолын үйретуде",- деді.
Ресей СІМ Сергей Лавров БҰҰ-ның Женевада өткен карусыздандыру мәселесі жөніндегі конференциясында: "Ядролық қаруға тыйым салу үдерісі АҚШ-тың ядролық қару-жарақтарын Еуропада орналастыру арқылы бұзылды.
АҚШ Әскері Еуропа елдерінің қарулы күштеріне Ресейге қарсы тактикалық ядролық қару-жарақтарды пайдалану тәсілін үйретіп жатыр. Тактикалық ядролық қарулардың болуы мен АҚШ-тың оларды Еуропада қолдануға дайындығы қырғи қабақ соғысынан қалған нәрсе емес, бұл ашық түрдегі басқыншылық сипаттағы ұстаным саналады",- деді.
Лавров сондай-ақ, АҚШ-тың жаңа ядролық қару-жарақтарды дамыту арқылы өзінің ядролық қарулар арсеналын өзгертуге бағытталған бағдарламасына тоқталып, Вашингтонның осындай тәсілінің әлемдік деңгейдегі қауіп-қатерлеріне қатысты ескерту жасады. Вашингтон өз қолданысындағы ядролық қару-жарақтарын дамыту саясатын Ресей мен Қытайдың қоқан-лоққыларына жауап деп атады. Алайда Мәскеу мен Бейжің оны қабылдамай отыр.
