Башар Асад Сочиде Путинмен кеңесті
Ресей президенті Владимир Путин мен Сирия президенті Башар Асад Ресейдің Сочи қаласында Сириядағы соңғы өзгерістер туралы пікір алмасты.
France Press ақпарат агенттігі ресейлік ақпарат құралдарына сілтеме жасап: "Путин мен Асадтың бейсенбі күні кешке Сочиде өткізген кездесуі барысында қос тарап Сириядағы лаңкестік топтардың жеңілісінен кейінгі елдегі тұрақтылықты нығайту жолдары жайлы пікір алмасты",- деп мәлімдеді.
Кремльдің мәлімдемесіне сәйкес, Асад бұл кездесуде: "Сириядағы жағдай біршама тұрақталды. Дамаск үкіметі Женева келіссөздерінде келісілген Конституцияны дайындау жөніндегі комитетті құруға қатысу үшін өкілдерін жіберуді көздеп отыр",- деді.
Владимир Путин Башар Асадты Сирия әскерінің лаңкестікпен күресте жеңістерге қол жеткізуімен құттықтап: "Сирия әскерінің лаңкестікпен күресте жеңістерге жетіп, саяси үдерістің басталуымен шетелдік күштерд34 барлығы Сирия жерінен шығарылуы тиіс",- деп баса айтты.