Путин мен Назарбаев Қарабақтағы қақтығыстарды шешу туралы ақылдасты
Қазақстан мен Ресей президенттері телефон арқылы сұхбатта Қарабақ жағдайына шолу жасап, сол аймақтағы қақтығысты доғаруды қуаттады.
«Фарс» ақпарат агенттігінің хабарлауынша, кеше сәрсенбі күні түстен кейін Ресей президенті Владимир Путин мен Қазақстан республикасының Елбасы Нұрсұлтан Назарбаев телефон арқылы сұхбатта Қарабақ жағдайына шолу жасаған.
Қазақстан президенті әкімшілігінің баспасөз орталығының мәлімдеуінше, екі елдің президенттері аймақтағы ахуал және осы теке тіресті бейбіт құралдарды пайдалану арқылы шешу туралы өз ойларын ортаға салған.
Телефон арқылы сұхбатта Ресей президенті осы елдің қақтығысты доғару және аймақтағы жағдайды қалпына келтіру үшін араағайындық жасауға тырысып жатқанын хабарлады.
Сондай- ақ Қазақстан мен Ресей президенттері екіжақты ынтымақтастықтар туралы кеңесті. Нұрсұлтан Назарбаев Астананың сауда- саттық және экономикалық бөлімдерде Мәскеумен екі жақты байланысты күшейтуге мүдделік танытатынын қуаттады.
Назарбаев телефон арқылы сұхбатта Қазақстанның Еуразиялық Экономикалық Одаққа төрағалығы кезінде экономикалық байланыстарды күшейту үшін бірқатар отырыстың, соның ішінде Еуразия экономикалық жоғары кеңесінің отырысын өткізу қарастырылғанын мәлімдеді.
