Иран Нотр-Дам шіркеуіндегі өртке өкініш білдірді
Иран Сыртқы істер министрі Париждегі Нотр-Дам шіркеуінде шыққан өрт салдарынан тарихи ғимараттың бір бөліміне нұқсан келгеніне өкініш білдірді.
Мұхаммад Джавад Зариф бүгін, сейсенбі күні Твиттердегі парақшасында Франция халқы мен әлем католиктеріне көңіл айтып, тілектестік білдіріп: «Құдайға құлшылық ететін мекен және атақты жазушы Виктор Гюгоның әдеби шығармалары арқылы әлем халықтарына танымал болған, сондай-ақ, 800 жыл бойы соғыстар мен революциядан аман қалған Нотр-Дам шіркеуінің бір бөлімі өрт салдарынан қирады»,- деп жазды.
Нотр-Дам шіркеуіндегі өрт салдарынан оның мұнараларының бірі мен төбесі қирады. Франция басшылары ғимаратты толық қираудан сақтап қалғанын жариялады.
Нотр-Дам шіркеуінің тарихы 19-шы ғасырдан басталады. Шіркеуді жыл сайын миллиондаған турист тамашалайды.
