Пәкістан Президенті: Соғыс басталған жағдайда Исламабад тиісті жауап береді
Пәкістан Президенті Исламабадтың Нью-Делимен соғысуды қаламайтынын және өз ниетінің түзу екенін талай рет дәлелдегенін мәлімдеді.
Пәкістан радиосының хабарлауынша, Ареф Алави: "Соғыс басталған жағдайда Үндістан Исламабадтың тиісті жауап беретінін білуі тиіс",-деді.
Ол: "Аймақтағы соғыстың салдарлары әлемнің бүкіл елдеріне теріс әсер етеді. Сол себепті әлемдік қауымдастық Кашмирдегі дағдарысты жағдайдан қапы қалмауы керек",-деді.
Пәкістан Президенті: "Үндістан Премьер-министрінің Джамму мен Кашмир аймағының автономдық статусын жоюға шешім қабылдауы Нью-Делидің халықаралық қауымдастық алдындағы міндеттемелерін сақтамайтынын және БҰҰ қарарларына берік еместігін көрсетті",-деді.
Ареф Алави: "Пәкістанның Кашмирге қатысты айқын ұстанымы дипломатиялық қолдау болып отыр. Әлемдік қауымдастық Нью-Делиді келіссөздер үстеліне тартуы керек",-деді.
