Трамп: Сауд Арабиясын қорғауға дайынбыз
АҚШ Президенті Дональд Трамп сенбі күні саудиялық тақ мұрагері Мұхаммад бен Салманмен телефон арқылы сұхбатында: «Вашингтон Сауд Арабиясын қорғауға дайын»,-деп мәлімдеді.
IRNA ақпарат агенттігінің хабарлауы бойынша, Трамп осы телефон арқылы сұхбатында Йемен армиясы мен халықтық комиттерінің ұшқышсыз ұшақтармен Сауд Арабиясының ұлттық мұнай компаниясының (Aramco) нысандарына жасаған шабуылына тоқталып: «Бұл шабуыл АҚШ пен әлемнің экономикасына теріс әсерін тигізеді»,-деді.
АҚШ Президенті саудиялық басшылардың көбін сауынды сиырға теңеп, бір сайлауалды сөзінде «Сауд Арабиясының корольдік жүйесі АҚШ-тың қолдауынсыз екі аптаның ішінде жойылады» деген болатын.
Йемен армиясы мен халықтық комиттерінің ұшқышсыз ұшақтар бөлімі сенбі күні саудиялық коалицияның Йемендегі қылмыстарына жауап ретінде 10 жергілікті ұшқышсыз ұшақпен Сауд Арабиясының ұлттық мұнай компаниясына (Aramco) тиесілі «Бақиқ» және «Харис» мұнай өңдеу зауыттарын нысанаға алды.
