Иран «Ортақ қадам» бағдарламасы бойынша міндеттемелерін азайтуды жалғастырады
Иран Сыртқы істер министрінің саяси істер жөніндегі орынбасары Арақчи Еуропа өз міндеттемелеріне берік болмаса, Иран «Ортақ қадам» жан-жақты бағдарламасы бойынша міндеттемелерін азайтуды жалғастыратынын мәлімдеді.
Аббас Арақчи бейсенбі күні кешке Франция жобасы мен ИИР Президенті Хасан Руханидің Нью-Йорктегі келіссөздеріне тоқталып: «Иран дағдарысты бейбіт жолмен шеше алатын кез келген идея мен бастаманы әрдайым қолдайды»,-деді.
Арақчи, сондай-ақ, АҚШ-тың біржақты саясаттары мен бұл ел «Ортақ қадам» жан-жақты бағдарламасынан шыққаннан кейін Еуропаның іс жүзінде өз міндеттемелерін орындауда қауқарсыз болып отырғанын сынап: «Егер Иранның талап-тілектері орындалмаса, Теһран осы келісімнің 36-тармағына сәйкес өзі міндеттемелерін азайтуды жалғастырады»,-деп қуаттады.
Ресей Сыртқы істер министрінің орынбасары Сергей Рябков та АҚШ-тың «Ортақ қадам» жан-жақты бағдарламасынан шығып, БҰҰ Қауіпсіздік кеңесінің №2231 қарарын бұзғанына тоқталып: «Ресей бұл бағдарламаны көпжақты үлкен жетістік ретінде қолдап, оның сақталуына күш салады»,-деді.
