Вашингтонда шерушілер құрықталды
Америка полициясы Вашингтон қаласында осы елдің саясатына қаржының ықпал етуі мен коррупцияға наразылық білдіріп, шеруге шыққан жүздеген адамды құрықтады.
Иран телерадио ұйымы ақпарат агенттігінің хабарлауынша, Америка полициясы сенбі күні Вашингтон қаласында 900 адамды құрықтап, ұсталған кісілер осы қаланың «жиналыс өткізіп, жолды жауып мазасыздық орнатуға» тыйым салатын заңын бұзды деп мәлімдеді.
«Демократия көктемі» кампаниясы Филадельфиядан басталды. Сол жерде мыңдаған азамат Американың астанасын бетке алып, Конгрестен елдің саясатындағы коррупцияны тоқтатып, барлық америкалық тең дауыс беруге құқылы болатын еркін және әділ сайлау өткізуге кепілдік беруді талап етпек болды.
Осы кампания өз вебсайтында 2016 жылдың 11-16 сәуір аралығында қатыгездіктен тыс шерулер өткізетінін хабарлап, шерулердің, тіпті жаппай құрықтау қаупіне кезігетін болса да өткізілетіндігін мәлімдеді.
