Иран мен Тәжікстан Қорғаныс министрлері ынтымақтастықты дамытуды қуаттады

Иранның Қорғаныс министрі Тәжікстанның Қорғаныс министрімен кездесуінде екі елдің ортақ қасиеттерінің қарым-қатынасты дамыту үшін көптеген әлеуеттер жасай алатынын мәлімдеді.

Кездесу барысында Амир Хатами Тәжікстанның қорғаныс министрі генерал Ширали Мирза  мен оның делегацияның көктемнің әдемі мезгілі мен ежелгі Наурыз мейрамы  күндерінде Ислам республикасына келуін мүбәрәк санап: «Көктемнің әдемі маусымы басталғандай тәжік достарымыз және бауырларымызбен екіжақты қарым-қатынас пен ынтымақтастықтың жаңа кезеңінің басталуының куәсі болуымызға үміттіміз»,- деді. Иран Қорғаныс министрі өткен жылдарда ИИР-ның залым санкциялар мен ауыр қысымдарға қарамастан әртүрлі салаларда көптеген жетістіктерге жеткеніне тоқталып: «Бізде қорғаныс заттары мен жабдықтарын экспорттауда проблема жоқ»,- деді. Тәжікстан Қорғаныс министрі Ширали Мирза да бұл кездесуде ИИР-ның көмегіне алғысын айтып, Тәжікстанның Иранмен саяси, әскери, қорғаныстық және   жан-жақты ынтымақтастықты дамыту ерік-жігерін шынайы деп атап: «Екі ел арасындағы тарихи қатынастар, көптеген мәдени және әлеуметтік ортақтықтардың арқасында жақсы және құнды стратегиялық нәтижелерге қол жеткізе алдық»,- деді.