Армения Әзірбайжанмен сұхбаттасуға дайын
Армения Ұлттық қауіпсіздік кеңесінің хатшысы осы ел Премьер-министрінің Әзірбайжан республикасының Президентімен кездесуге дайын екенін хабарлады.
Армения Ұлттық қауіпсіздік кеңесінің хатшысы Армен Григорян: «Екі елдің арасындағы қайшылықтарды диалог арқылы шешуге мүмкіндік бар. Оң жолдауларды ескеріп, мәселелерді талқылап, өзара түсіністікке келуге болады»,-деді.
Армения Ұлттық қауіпсіздік кеңесінің хатшысы Баку үкіметінің Армения жері арқылы Әзірбайжан республикасы мен Нахичевань арасын жалғайтын дәліз ашу туралы өтінішіне тоқталып: «Егер осындай дәліз ашылса, ол Арменияның бақылауында болады»,-деді.
Әзірбайжан Президенті Ильхам Әлиев жуырда: «Еуропадағы қауіпсіздік және ынтымақтастық ұйымының Минск тобы аясында Армения Премьер-министрі Никол Пашинянмен кездесуге дайынбыз»,-деп мәлімдеді.
Мәскеуде Әзірбайжан мен Армения арасында атысты тоқтату бітіміне қол қойылғанына қарамастан, екі көрші арасында тұрақты тыныштық пен бейбітшілік әлі орнай қоймады.
