Үнді мұхитында IONS-2022 біріккен теңіз жаттығуы өтіп жатыр
Үндістанның Гоа айлағында Иран, Үндістан, Бангладеш және Үнді мұхиты елдерінің теңіз күштері және толығымен Иранда жасалған «Дена» эсминецінің қатысуымен IONS біріккен теңіз жаттығуы (IMEX 2022) басталды.
Iran Press ақпарат агенттігінің хабарлауы бойынша, сенбі күні Үндістанның Гоа айлағында Иран, Үндістан, Бангладеш және Үнді мұхиты елдерінің теңіз күштерінің қатысуымен және IONS-қа мүше 14 елдің бақылауымен IONS біріккен теңіз жаттығуы (IMEX-2022) баспасөз отырысы мен шеберлік сабақтары өтіп, тараптардың теңіз флоттарын аралағаннан кейін басталды.
Иран армиясының теңіз күштері делегациясының басшысы бірінші капитан Фархад Фаттахи Иранның IONS теңіз қауіпсіздігі комитетіне төрағалық ететінін айтып: "IMEX-2022 әскери жаттығуы екі бөлім – құрлық пен теңізде өтеді. Құрлықтағы бөлімде баспасөз отырысы мен шеберлік сабақтары өткізіліп, тараптар теңіз флоттарын аралады. Теңіздегі бөлімде арнайы теңіз операциялары, патрульдік күштердің маневрлері, медициналық көмектермен алмасу және құтқару жұмыстары атқарылды",-деді.
