Калифорнияны қараңғы түнек басты

Бейсенбі күні АҚШ-тың Калифорния штатында қатты дауыл тұрды. Соның салдарынан ағаштар құлап, көліктер қирап, электр желілері үзіліп, ондаған мың пәтер жарықсыз қалды.

Қатты жаңбыр мен қар аралас дауыл салдарынан Калифорния жағалауында толқындар тулады. Өзендер арнасынан шығып, айналадағы пәтерлер мен жер телімдеріне зиян тигізді.

Калифорнияның төтенше жағдайлар басқармасы таулы аймақтарда қар көшкіні болып, электр желілері үзіліп, ауылды жерлер су астында қалуы ықтимал деп ескертті.  

АҚШ-тың көптеген штаттарында жауған қалың қар мен бұрқасын салдарынан ондаған адам қаза тауып, осы өңірлердің инфрақұрылымдық нысандарына миллиардтаған доллар шығын келтірілді.