Ирвани: Қауіпсіздік кеңесі сионистердің Сирияға шабуылын айыптауы керек
ИИР-ның БҰҰ-дағы тұрақты өкілі: «Қауіпсіздік кеңесі сионистік режимнің өткен аптада Дамасктегі тұрғын үйге шабуыл жасаған лаңкестік әрекетін айыптауы керек».- деді.
Амир Саид Ирвани БҰҰ Қауіпсіздік кеңесінің Сириядағы жағдайға арналған отырысында: «Сириядағы жуырда болған жойқын жер сілкінісі елдің ауыр гуманитарлық жағдайын ушықтырды, негізгі құрылымдар мен қызметтер құлап, адамдардың негізгі қажеттіліктерін қанағаттандыру қабілетіне қатты әсер етті»,- деп мәлімдеді. Ирвани: «Қатты жанармай тапшылығына және гуманитарлық жағдайдың нашарлауына әкелген шетелдік күштердің Сирияның табиғи ресурстарын толассыз тонауын тоқтату керек»,- деп баса айтты.
Сирия үкіметінің мәлімдемесіне сәйкес, мұндай қылмыстық әрекеттер Сирияның 100 миллиард доллардан астам ресурстары мен ұлттық байлығының, негізінен мұнай мен газ түріндегі ұрлануына себеп болды.
