Мәскеу Иран мен Ресейдің халықаралық заңдарға сай әріптестік жасайтынын баса айтты
Ресей Сыртқы істер министрінің орынбасары Иран мен Ресейдің халықаралық заңдарға сай әскери салада әріптестік жасайтынын баса айтты.
РИА Новости-дің хабарлауынша, Ресей Сыртқы істер министрінің орынбасары Сергей Рябков: "Біржақты болжамдарға қарамастан, Иран мен Ресей халықаралық және ұлттық заңдарға сай әскери салада әріптестік жасайды",-деп мәлімдеді.
Бұған дейін Украина басшылары мен Батыс елдері, әсіресе АҚШ Ресейдің Украинадағы инфрақұрылымдарға шабуыл жасауға қолданған ұшқышсыз ұшақтарының Иранда жасалғанын айтып жатыр.
Осы орайда Еуропа одағы мен АҚШ Украина соғысында Иранда жасалған ұшқышсыз ұшақтар қолданылғаны туралы дәлелденбеген уәждер негізінде Иранға қарсы жаңа санкциялар салды.
Иран Сыртқы істер министрі Амир Абдуллахиан Украина соғысында Иранның Ресейге жақтасқаны туралы: "Иранның санаулы ұшқышсыз ұшақтары Украина соғысына дейін Ресейге берілген болатын",-деп мәлімдеді.
