Мумени: Есірткі жасауға қажетті прекурсорларды Ауғанстанға экспорттау – халықаралық қауіп

Иранның Есірткі заттарға қарсы күрес штабының бас хатшысы синтетикалық есірткі жасауға қажетті химиялық заттарды Ауғанстанға экспорттау туралы ескертіп: "Бұл мәселе – аймақ елдері мен халықаралық қауымдастық үшін шынайы қауіп",-деді.

IRNA ақпарат агенттігінің хабарлауынша, Искандер Мумени Венада БҰҰ-ның есірткі заттарға қарсы комиссиясының 66-шы отырысында: "UNODC-ның есебі бойынша апиын өндіретін ең ірі ел Ауғанстанда көкнәр өсіруге бөлінген жер 32 пайызға артты",-деді.

Мумени: "Басқа жағынан химиялық прекурсорлар екіжақты саудаға айналды. Бұл заттар индустриалды елдерден Ауғанстанға контрабандалық жолмен жеткізіліп, сонда героин, морфин мен метамфетамин өндіруге қолданылады",-деді.