Си Цзиньпин: Қытайдың Украинаға қатысты жоспары әлемдік көзқарасты көрсетеді
Қытай басшысы Ресейге сапары қарсаңында: «Бейжің ұсынған Украина дағдарысын шешу жоспары әлемдік көзқарасты көрсетеді»,- деді.
Қытай төрағасы Си Цзиньпин Ресейдің «Российская газетасындағы» мақаласында: «Қытайдың Украина дағдарысын шешуге арналған 12 тармақтан тұратын жоспары жаһандық көзқарастарды көрсетеді және бұл дағдарыстың салдарын жояды. Күрделі шиеленістердің қарапайым шешімдері болмайды»,- деп мәлімдеді.
ҚХР Төрағасы Ресей Президенті Владимир Путинмен екіжақты және жаһандық оқиғаларды, соның ішінде Украина дағдарысын талқылау үшін 20-22 наурызда Мәскеуге барады. 24 ақпанда Қытай Сыртқы істер министрлігі Украинадағы бітімгершілікке арналған 12 тармақтан тұратын жоспарын жариялады, оның ішінде атысты тоқтату және Батыстың Ресейге қарсы санкцияларын алып тастау қарастырылды.
