Нау 25, 2023 17:53 Asia/Almaty
  • Иран Франция халқының бейбіт шерулерінің күшпен басылуын   айыптады

Иран Сыртқы істер министрі Франция халқының бейбіт шерулерінің күшпен басылуын айыптап, осы елдің үкіметін адам құқығы стандарттарын сақтауға шақырды.

Иран Сыртқы істер министрі Хұсейн Амир Абдуллахиан  Twitter  парақшасында Франция халқының бейбіт шерулерінің күшпен басылуын айыптап, осы елдің үкіметін адам құқықтарын сақтауға және өз елінің өз талаптарын бейбіт жолмен жүзеге асырып жатқан халқына қарсы күш қолданудан аулақ болуға шақырды.

Франция халқының Макрон үкіметінің зейнеткерлікке шығу жоспарына қарсы жалпыұлттық наразылықтары жалғасуда. Соңғы статистикалық мәліметтерде Франция үкіметінің дереккөздері Макрон үкіметінің зейнеткерлікке шығу жоспарына қарсы ұлттық наразылықтарға бір миллионнан астам адамның қатысқанын және осы наразылықтар кезінде осы уақытқа дейін 123 полиция қызметкерінің жараланғанын және 80 наразылық білдірушінің қамауға алынғанын хабарлады.

Le Monde газеті демонстранттар санын 1,2 миллион, ал Францияның ең ірі кәсіподақ ұйымы CGT шерушілер санын 3,5 миллион деп жариялады. Демонстрация зорлық-зомбылықпен қатар жүрді және француз полициясы демонстранттармен қақтығысып, оларды тарату үшін көзден жас ағызатын газ қолданған. БАҚ көздері Бордо қалалық кеңесі ғимаратының алдындағы өрт туралы хабарлады. France-Presse агенттігі де Париж көшелерінде қоқыс жәшіктері мен газет киоскілерінің өртенгенін хабарлады.

Франция кәсіподақтары 28 наурызда зейнетақы реформаларына қарсы 10-шы жалпыұлттық демонстрацияға қатысушыларды көшеге шығуға шақырды.

Тегтер