Иран Сыртқы істер министрі: Аймақта қандай да бір геосаяси өзгерістер жасалуын қабылдамаймыз
Иран Сыртқы істер министрі: "Қандай да бір сылтаумен аймақта геосаяси өзгерістер жасалуын қабылдамаймыз",-деді.
IRNA ақпарат агенттігінің хабарлауынша, Амир Абдуллахиан Ресей Сыртқы істер министрі Сергей Лавровпен бірлескен баспасөз отырысында: "Кавказда болып жатқан өзгерістерге баса назар аудардық. Өйткені бұл аймақта текетірестің жалғасуы ешқай тараптың – Әзірбайжан мен Арменияның мүддесіне сай келмейді. Жалпы қауіпсіздік пен бейбітшілікті сақтау аймақтағы барлық елдердің мүддесіне сай болмақ",-деді.
Амир Абдуллахиан аймақта геосаяси өзгерістер жасауға талпыну жағдайдың одан ары күрделене түсуіне себеп болатынын айтып: "Аймақтағы қайшылықтарды түрлі тараптардың диалогы арқылы саяси жолмен шешу керек",-деді.
Амир Абдуллахиан әсіресе кейінгі бір жарым жылдағы Иран мен Ресейдің сауда-экономикалық ынтымақтастығы туралы: "Жақсы жетістіктерге қол жеткіздік. Екі елдің сауда айналымы 3,5 есе өсті",-деді.
