Канани Әзірбайжан республикасына: Сионистік дұшпанның шын ниетінен сақ болыңыздар
ИИР СІМ-нің баспасөз хатшысы: "Әзірбайжан республикасындағы мұсылман бауырлар мен қарындастарға айтар кеңесіміз: Сионистік дұшпанның шын ниетінен сақ болыңыздар",-деді.
Әзірбайжан СІМ-нің баспасөз хатшысы жұма күні осы елдің сионистік режиммен Иранға қарсы бірлескен майдан құру туралы келісіміне қатысты сұраққа жауап берудің орнына негізсіз уәж айтып: "Иранның Әзірбайжан Парламентінің депутатына жасалған террорға қатысы бар",-деді.
Iran Press ақпарат агенттігінің хабарлауынша, Насер Канани кеше, жұма күні Твиттердегі жеке парақшасында: "Әзірбайжан үкіметінен осы ел Сыртқы істер министрінің сионистік режиммен Иранға қарсы бірлескен майдан құру туралы сөздеріне түсініктеме беруді сұрадық. Бірақ Әзірбайжан СІМ-нің баспасөз хатшысы жауаптан жалтарып, Иранға қарсы жаңа айыптар тағуға кірісті",-деді.
ИИР СІМ-нің баспасөз хатшысы твиттің жалғасында: "Үнсіздіктің жалғасуы Бакудың стратегиялық серіктесінің мәлімдемесін жасырын түрде растау емес пе?",-деп жазды.
