Амир Абдуллахиан Мәскеу төртжақты отырысын оң бағалады

Иран Сыртқы істер министрі Мәскеу төртжақты отырысын оң бағалап: "Осы отырыста Түркия мен Сирияның көзқарастарын жақындастыру жолында оң қадамдар жасалды",-деді.

Iran Press ақпарат агенттігінің хабарлауынша, Амир Абдуллахиан сәрсенбі күні кешке Мәскеуден кетер алдында тілшілерге берген сұхбатында: "Мәскеу төртжақты отырысы аясында Ресей, Сирия және Түркия Сыртқы істер министрлерімен жеке-жеке кездесіп, екіжақты қарым-қатынас, әсіресе сауда-экономикалық ынтымақтастықты дамыту туралы кеңестім",-деді.

Амир Абдуллахиан: "Бұл кездесулерде Иран Президентінің Ресей және Түркия басшыларымен жеке-жеке кездесулерінде қол жеткізілген келісімдердің орындалу барысы қарастырылды",-деді.