Ресей Херсон қаласында төтенше жағдай жариялады
Мыңдаған тұрғындарының эвакуациялануына себеп болған Херсон облысындағы «Каховка» бөгетінің жарылуынан және оның қирауынан кейін Ресей тағайындаған билік бұл аймақта төтенше жағдай жариялады.
Сейсенбі күні Украинаның оңтүстігіндегі Херсон қаласындағы Нова Каховка бөгеті опырылып, аймақтың көп бөлігін су басып, мыңдаған адам кетуге мәжбүр болды.
Украина Сыртқы істер министрлігі бұл оқиғаның себебін Ресей деп атады және оны талқылап, Мәскеуге қарсы санкцияларды күшейту үшін БҰҰ Қауіпсіздік кеңесінің шұғыл отырысын өткізуге шақырды. Ресей Украинаның айыптауын жоққа шығарып, Киевтің бұл лаңкестік әрекетке қатысы бар екенін мәлімдеді.
Бұл маңызды бөгет Днепр өзенінің бойында орналасқан, Украинаның оңтүстік-шығысынан өтетін негізгі су жолы, төменгі ағысында бірнеше тұрғын аудандар мен қалалар бар.
