Әлемнің түкпір-түкпірінде Палестинаны қолдау мақсатында шерулер өтті
Әлемнің түкпір-түкпірінде Палестинаны қолдау, сионистік режимнің Газадағы қылмыстарын айыптау және АҚШ пен Ұлыританияның Йеменді бомбалауына қарсылық білдіру мақсатында шерулер өтті.
Iran Press ақпарат агенттігінің хабарлауынша, Ұлыбританияның мыңдаған азаматы сенбі күні Лондонда он төртінші апта қатарынан АҚШ пен Ұлыританияның Йеменге қарсы әскери басқыншылығына және сионистік режимнің Газа секторында палестиналықтарға қарсы қылмыстарына наразылық ретінде шеру өткізді.
Лондондағы шерушілер Газа секторында тез арада атыстың тоқтатылуын талап етіп, Ұлыбритания үкіметінен сионистік режимге әскери көмек беруді тоқтатып, осы режим елшісін Лондоннан шығаруды сұрады.
Франция астанасы Парижде де сионистік режимнің Газа секторындағы соғыс қылмыстарын айыптау мақсатында шеру өтті.
Мұндай шерулер Нидерландының астанасы Амстердам, Швецияның астанасы Стокгольм, Германияның астанасы Берлин, Түркияның Кония қаласы, Германияның Мюнхен, Аустрия астанасы Вена, Италияның Флоренция қаласы, Данияның астанасы Копенгаген, Аустралияның Сидней және Канберра қалалары, Оңтүстік Кореяның астанасы Сеул, Люксембургтегі АҚШ-тың елшілігі алдында, Индонезия астанасы Джакарта, ОАР-дың Йоханнесбург қаласы мен Тунисте өтті.
Шерушілер Палестинаның азат етілуін және сионистік режимнің Газа халқын қырып-жоюын доғаруды талап етті.
