Мәскеудегі BRICS Plus медиа орталығында парсы поэзиясының кеші  өтті

Мәскеудегі BRICS Plus медиа орталығында парсы поэзиясының кеші Иран туралы қысқаметражды фильм және иран әдебиеті мен музыкасы туралы танымдық дәріспен өтті. ParsToday агенттігінің «БРИКС халықаралық телевидение желісі» таратқан хабарына cүйеніп хабарлауынша, бұл рәсімге қатысушылар Иранның әдеби және музыкалық мұрасымен танысты.

Бұл поэзия кешінде Иранның көрнекті ақындарының, соның ішінде Саадидің кейбір шығармалары оқылды. Иран Ислам Республикасының Ресейдегі Мәдениет жөніндегі кеңесшісі Масуд Ахмадванд осы рәсімде сөйлеген сөзінде екіжақты ынтымақтастықты нығайтудағы гуманитарлық шараларды кеңейтудің рөліне тоқталды.

Ресей мен Иранның ұзақ уақыт бойы БРИКС түрінде қарым-қатынастарын дамытқанын атап көрсеткен Ахмадванд: "Парсы поэзиясы түні сияқты шаралар өткізу екі ел халқының бір-бірін жақынырақ тануына септігін тигізеді",- деді.

Иран мәдени кеңесінің парсы тілі орталығының жетекшісі және Мәскеу мемлекеттік шет тілдер университетінің парсы тілі мен әдебиеті профессоры Мария Ган Иран мәдениетін шетелде ілгерілету үшін жасалған талпыныстарға тоқталды: " Көрші елдің мәдениетін білу тілді білмей-ақ, сол ел туралы терең білімсіз де тұрақты қарым-қатынас орнатуға мүмкіндік береді".

BRICS телеарнасының Оңтүстік Азия және Батыс Азия елдерімен ынтымақтастық бөлімінің басшысы Александра Борман да Ресей мен Иранның қарым-қатынасын нығайтудағы бұл медиа желінің рөлі туралы айтты.

Александра Борман былай деді: "Мәскеудегі БРИКС+ медиа орталығында парсы поэзиясы түнін өткізу Ресей мен Иран арасындағы ынтымақтастықты дамыту бастамалар тізбегіміздің жаңа буыны болып табылады. BRICS телеарнасы ирандық деректі фильмдерді көрсету, ирандық мәдени фестивальдар мен көрмелерге қатысты жаңалықтарды жариялау және екі елдің ақпарат құралдары арасында мазмұн алмасуды ұйымдастыру арқылы Ресей-Иран қарым-қатынастарына сәйкес халықаралық іс-шараларға үлес қосуда".