Дублин: Израиль ирландтардың үнін өшіре алмайды

ParsТoday – Жексенбі күні сионистік режимнің Сыртқы істер министрі Гидеон Саер Ирландияның Израильге қарсы саясатына байланысты Тель-Авивтің Ирландиядағы елшілігінің жабылатынын хабарлады.

Ирландияның премьер-министрі Саймон Харрис елінің сионистік режимнің Газа секторындағы Палестина халқына қарсы шабуылдарын сынауды жалғастыратынын және бұл режим Ирландияның даусын өшіре алмайтынын айтты. ParsТoday хабарлауынша, Харрис Израильдің Дублиндегі елшілігін жабу туралы шешімін «қоғамдық пікірді басқа жаққа бұру дипломатиясы» деп сипаттады. Ол былай деді: «Сіз нені айыптау керектігін білесіз бе? Балалардың өлімі, Газадағы бейбіт тұрғындардың өлімі, адамдарды аштыққа қалдыру және гуманитарлық көмек ағынының болмауы. Менің ойымша, бұл айыптау керек нәрселер». Харрис былай деп қосты: «Барлығы Ирландияның ұстанымы туралы сұрайды, ал Израильдің әрекеті ше? Нетаньяху Газадағы жазықсыз балаларға қарсы не істеді? Бұл деструктивті дипломатия».

Айта кетейік, жексенбі күні сионистік режимнің Сыртқы істер министрі Гидеон Саер Ирландияның  Израильге қарсы саясатына  байланысты Тель-Авивтің Ирландиядағы елшілігінің жабылатынын хабарлады.

Сионистік режим Ирландияның өткен мамыр айында Палестина мемлекетін тану туралы шешімінен кейін Дублиндегі елшісін кері қайтарып алды.

Өткен аптада Ирландия Гаагадағы Халықаралық сотқа Оңтүстік Африканың Израильге қарсы берген талап арызына қосылғанын хабарлады. Бұл шағым Израильді Газада геноцид қылмыстарын жасады деп айыптайды.