БҰҰ-ның таңқаларлық есебі: Газадағы геноцид жалғасуда

ParsToday – Біріккен Ұлттар Ұйымы Газадағы палестиналықтарға қарсы геноцидтің жалғасып жатқанын хабарлады.

ParsToday хабарлауынша, БҰҰ-ның жауланып алынған Палестина аумақтарындағы адам құқықтары жөніндегі арнайы баяндамашысы Франческа Альбанезе жариялаған соңғы есепте Газа секторындағы гуманитарлық жағдай «ашық геноцид» деп сипатталған. Ол Израильдің атысты тоқтату туралы келісімдерді елемей, Палестина халқын өлтіруді, босұынға айналдыруды және аштықтан қыруды жалғастырып жатқанын атап өтті. Есепте шабуылдардың әскери ауқымы ғана емес, сонымен қатар жыныстық зорлық-зомбылықты қолдану, медициналық мекемелердің қиратылуы және мыңдаған палестиналықтардың түрмеге жабылуы қарастырылады.

Альбанезе атысты тоқтату жарияланғаннан бері 200-ден астам палестиналық шәһид болғанын, бұл Израильдің халықаралық келісімдерді елемегенін көрсететінін мәлімдеді. Ол сондай-ақ Израильді қолдайтын елдерді осы геноцидке қатысы бар деп санап, режимге қару-жарақ пен саяси қолдау көрсеткені үшін жауапкершілікке тартуға шақырды.

Есептің тағы бір бөлімінде медициналық мекемелер мен ауруханалардың қасақана қиратылуы туралы айтылады. Мысалы, Әл-Басме ауруханасының перзентхана бөліміне тікелей шабуыл мыңдаған палестиналық ұрықтың жойылуына әкелді, бұл әрекетті халықаралық бақылаушылар палестиналық ұрпақтың жалғасуына жол бермеу әрекеті деп түсіндірді.

Осы қылмыстардан басқа, Израиль түрмелерінде 10 000-нан астам палестиналық әлі де ұсталуда, ал израильдік тұтқындар үйлеріне оралды. Тұтқындарға қатысты бұл ашық кемсітушілік БҰҰ тоқтатуға шақырған апартеид жүйесінің бөлігі болып табылады. Ол сондай-ақ Израильдің палестиналықтарға қатысты қарым-қатынасы туралы: «Израиль жыныстық зорлық-зомбылықты палестиналықтарды қорқыту және азаптау үшін қару ретінде пайдаланады», - деді.

БҰҰ Бас хатшысы Антониу Гутерриш атысты тоқтатуды сақтау және оккупацияны тоқтату және Палестина халқының өзін-өзі билеу құқығын жүзеге асыру үшін саяси жол жасау қажеттілігін тағы да атап өтті. Израиль режимінің Газадағы атысты тоқтатуды бірнеше рет бұзуына реакйия білдіріп, Гутерриш: «Мен жеке өзім Газа секторындағы атысты тоқтатуды бұзудың жалғасуына қатты алаңдаймын», - деді. БҰҰ Бас хатшысы Газадағы қираудың ауқымды көлеміне тоқталып, білім беру жүйесін қайта құрудың және аймақтағы маңызды қызметтерді қалпына келтірудің маңыздылығын юаса айтты.

БҰҰ-ның Израиль армиясының Газа секторындағы палестиналықтарға қарсы геноцидті жалғастыруы туралы ауыр ескертуі, сондай-ақ апатқа ұшыраған бұл аймаққа шабуылдардың жалғасуы бұл режимнің қылмыстық сипатын көрсетеді, ол атысты тоқтату жариялағаннан кейін де Газаның қаналған халқын қырғынға ұшыратуды жалғастыруда.

Осы ескертулерге қарамастан, халықаралық қауымдастықтың жауабы әлсіз және жеткіліксіз болып қала береді. Израильдің Газа секторындағы қылмыстарының жалғасуы АҚШ рұқсатынсыз мүмкін болмас еді. Айта кететін жәйт, АҚШ президенті Дональд Трамп мұны таңқаларлық мәлімдемелерде мойындады және Израиль режимінің Газаға шабуылдарын жалғастыруын атысты тоқтатуды бұзу деп санамады. Газадағы оқиғаларға қатысты соңғы сөзінде Трамп Израильдің Газаға жасаған шабуылдарына жауап беріп, бұл шабуылдар әлсіз атысты тоқтату келісімін бұзбағанын және «Израильдің ХАМАС әрекеттерінен қорғануға құқығы бар» екенін атап өтті. Ол «Газадағы атысты тоқтатуға ештеңе қауіп төндірмейді» деп мәлімдеді.

Осы жерде ойға келетін сұрақ: Трамптың көзқарасы бойынша, сионистік режимнің қандай әрекеті Газадағы атысты тоқтатуды бұзу болып табылады? Әрине, АҚШ президентінің көзқарасы бойынша, ХАМАС-тың өзін қорғау немесе Израильдің қатыгез шабуылдарына жауап беру үшін кез келген әрекеті атысты тоқтатуды бұзу болып табылады. Бұл ұстаным Трамптың Израильге шабуылдарды тоқтату үшін қысым жасауға дайын емес екенін көрсетеді, өйткені ол режимнің әрекеттерін қауіпсіздікке төнген қатерлерге заңды жауап ретінде қарастырады.

Басқа жағынан, Трамптың атысты тоқтату келіссөздерінің алғашқы кезеңдерінде Израиль режимінің келісімді сақтауына кепілдік бергені туралы хабарламалар бар; бірақ іс жүзінде атысты тоқтатуды бұзғаннан кейін ол режим үшін ешқандай тиімді шара қолданған жоқ. Бұл тәсіл АҚШ-тың Израильді қолдау жөніндегі дәстүрлі саясатына сәйкес түсіндіріледі және Трамп әкімшілігінің атысты тоқтатуды бейтарап түрде жүзеге асырудың орнына Израильмен стратегиялық мүдделеріне басымдық беретінін көрсетеді. Нәтижесінде, Трамптың атысты тоқтатуды бұзуға қарсы әрекетсіздігі оның біліксіздігінен емес, Израильмен саяси және қауіпсіздік саласындағы үйлесімділігінен туындайды.