Какаванд-е Дарвишан ауылы Чаһармаһал және Бахтияри облысының орталығы Шахркорд қаласының оңтүстік-батысынан 105 км қашықтықта орналасқан.

Доруғе тарихи үйі (Darougheh Historical House) – Мешхед қаласында Қажарлар заманынан қалған жәдігер.

Лейлей шатқалы – Луристанның ең әдемі туристік аудандарының бірі. Шатқал Дуруд ауданы орталығының батысынан 20 км қашықтықта Сейре және Чамнар ауылдары арасында орналасқан. Шатқалда ағып жатқан суы сұп-суық өзеннің жолында әдемі хауызшалар бар. Жергілікті тұрғындардың айтуынша, Луристанның бұл ауданында шие ағаштары көп өседі. Мұндағы шие басқа шие түрлерінен ұсақ. Жергілікті тұрғындар оны "лейлей" деп атайды. Сол себепті шатқал "Лейлей" деп аталып кеткен.

Шахзада бағы (Shazdeh Garden) – Ұлы жібек жолының Керманнан Бамға баратын көне тармағының бойында Қаджарлар заманында ақсүйектерге арналып салынған бақ. Кейін "Шахзада" немесе "Шаздеһ" деген атпен танымал болды.

Көктем келіп, жауын-шашын мол жауғанда Иранның солтүстік-батысындағы Джульфа шекаралық аймағында жабайы көкнәр өседі. Бұл гүл парсы әдебиетінде жабайы лалагүл және жабайы көкнәр (Common poppy) деген аттармен танымал.

Кептерхана мұнарасы Иранның Йезд облысындағы Мейбод қаласында орналасқан. 400 жыл бұрын салынған мұнара кептерлерге қамқорлық жасау және олардың саңғырығын егін шаруашылығында қолдану үшін салынған.

Меһриз көне қаласы Йезд облысының орталығы Йезд қаласының оңтүстігінен 30 км қашықтықта орналасқан. Қалада мешіт пен қамал сияқты көптеген тарихи ескерткіштер бар.

«Қаср» мұражай-бағы Теһран қаласында орналасқан. Бұл бақта халық демалып, көңіл көтереді, мәдени іс-шаралар өткізіледі. Алайда бұл мұражай-бақ бұрындары түрме болған.

Назар бағы мен Парс мұражайы Шираз қаласында орналасқан. Назар бағы – Зендтер заманына дейін қалыптасқан кешен. Бірақ Кәрімхан Зендтің кезінде баққа көшет егіліп, тас төселіп, ғимарат салынды. Сол себепті көбіне бақ Зендтер заманына тиесілі саналады. Бақтағы "Колаһ-е фаранги" ғимараты –қазір Парс мұражайы. 1971 жылға дейін мұражай жұмыс істеп тұрды. Содан қайта жөндеу жұмыстарын жүргізу үшін жабылды. 1981 жылдан бастап қайта ашылды.

Чоғозамбиль тарихи ғибадатханасы (Chogha Zanbil) Хузистан облысында орналасқан. Бұл ғибадатхана б.з.д 1250 жылы Элам дәуірінде салына бастаған. Ашурилердің шабуылынан кейін оның құрылысы тоқтатылған. Бұл маңда жатқан қолданылмаған мыңдаған шикі және пісірілмеген кірпіш – осы сөзіміздің дәлелі.