Pars Today

Ұлы Ораза айтының қарсаңында соғыс пен бүлікке шырмалған мұсылмандар үшін шын жүректен дұға тілеп, олардың уайым-қайғыларына ортақ болып, көмектесуге дайындығымызды жариялап, Алладан олардың отандарына бейбітшілік пен тыныштықты қайтаруды, әлемнің жер-жеріндегі ислам үмбеті үшін жақсы келешек тілейміз.

Қасиетті Рамазан айының берекелерінің бірі ораза тұтушыларды өмірлік бағдарламаларында тәртіп сақтауға үйретуі саналады. Ораза тұтушылар барлығы бірге белгілі сағатта ораза тұтуды бастайды және белгілі бір уақытта ауыз ашады. Бұл үйлесімділік мұсылмандарға барлық материалдық және рухани істерінде жүйелі бағдарламаға ие болу қажеттігін ескертеді.

Қасиетті Рамазан айындағы ораза тұтушылардың жақсы тәжірибелерінің бірі әлемнің Жаратушысымен достық қарым-қатынас орната білуі болып табылады. Бұл қарым-қатынас психикалық алаңдаушылықтар және абыржумен күресуде маңызды рөл атқарады.

Қасиетті Рамазан айында рақымды Алланың нығметтері жерге ағылып, олардың белгілері әсіресе мұсылмандар жиналған жерден анық байқалады. Мұсылмандар өздерінің діни наным-сенімдеріне сай бұл айда ауызашар беру сынды әдемі салттарды орындайды. Бұл көркем сүннет Исламның ұық пайғамбарын еске түсіреді.

Бұл айдың рухани берекесінің бірі – Құранға жақын болу. Әсіресе, Қадір түндері Құран Кәрімнің нұрлы аяттарын оқуға көп кеңес берілген. Тіпті, бүгінгі дұғамызда: «Уа, Алла! Менің алдымнан жаннат есіктерін ашып, тозақ отының есіктерін жаба гөр, мүміндердің жүрегін тыныштыққа бөлейтін Құранды оқуға мүмкіндік бере гөр»,- деп тілейміз.

Исламның ұлық пайғамбары: «Алланың әр пендесі Қадір түнін шындық, ықылас және иманға сенім артып, ояу өткізеді. Өйткені, бұл түні Жаратушы күнәларды кешіреді»,- деген.

Қасиетті Рамазан айының 21 күні Исламның ұлық пайғамбарының күйеу баласы, мүміндердің әмірі хазірет Әли (ғ.с.)-ның шәһид болған күнінің жылдығына сәйкес келеді. Әлемнің барша мұсылмандарына хазірет Әли (ғ.с.)-ның шәһид болған күнінің жылдығына байланысты көңіл айтамыз.

Иман – адамның амалының негізі. Иман – шын жүрекпен шындықты қабылдау. Адам бір нәрсеге иман келтірмесе, талпыныс жасамайды.

Хазірет Әли (ғ.с.) өз өмірінің соңғы Рамазанында ерекше көңіл-күйге ие болды. Қасиетті Рамазан айының 19-шы күні қарсаңындағы түні хазірет «Ясин» сүресін оқып болған соң, аспанға қарап: «Бүгінгі түн – маған кездесуге уәде берілген түн»,- деді. Хазірет Әли (ғ.с.) қасиетті Рамазан айының 19-шы жұлдызының таңы білінерден бұрын таң намазын оқу үшін мешітке аттанды

Құранның көптеген аяттары адамдарды илаһи нығметтерге рақмет айтуға шақырады. Иманды адамдар әрқашан илаһи нығметтерді ұмытпай, Алланы мадақтап, рақмет айтады.