Сетареган (Жұлдыздар) сайы (Stars Valley) Иранның оңтүстігіндегі Қешм аралының оңтүстік-шығысында Берке-Халаф ауылына жақын жерде орналасқан. Шамамен 2 млн жылдық тарихы бар сай жел, жауын-шашын мен бұршақтың әсерінен топырақ, тас пен құмның үгілуінен туындаған.

Сетареган сайы – Қешм аралының теңдессіз табиғи жауһары. Қешм аралы саябағының бір бөлігі ретіндегі бұл сайдың ерекшеліктері оның ЮНЕСКО ұйымының табиғи жерлер тізіміне тіркелуіне себеп болды. Әдемі табиғи және тарихи ескерткіштерге толы Қешм геосаябағы – Таяу Шығыс аймағындағы жалғыз геосаябақ.