Мейманд ауылы – Иранның тарихи ауылдарының бірі. Ол Керман облысындағы Бабак қаласына 30 шақырым жерде орналасқан. Қолда бар деректер бойынша, жартастардың ішіне ойылып салынған бұл құпияға толы ауылдың 2-3 мың жылдық тарихы бар.

Мейманд ауылындағы «кидже» деп аталатын үйде бір немесе бірнеше бөлме мен қора бар. Ауыл тұрғындарының басты кәсібі – мал шаруашылығы. Олар жылдың алғашқы төрт айында мал бағу үшін дала кезіп кетеді, келесі төрт айда бағбандықпен айналысады, ал Мейманд – олардың қысқы мекені.