Pars Today

Бұл бағдарламада ирандық жауынгерлердің Құран Кәрімнің маңызды тағылымдарының бірі болып табылатын Аллаға деген шынайылығы мен сенімі мәселесі талқыланады.

Иранның Ирак БААС әскерімен шайқас майдандарында үстемдік еткен рухани атмосфераны бейнелеу үшін рухани-адамгершілік рухы жоғары үш ұлы тұлға:  Әуе күштері операцияларының орынбасары, ұшқыш генерал-майор Аббас Бабаи, Күрдістанның Мәсіхі ретінде танымал Мұхаммад Бруджерди және Сейед Хұсейн Алам әл-Худоның шарықтау мен құлдырауға толы өмірінің бір бөлігіне тоқталдық. Шын мәнінде, ирандық жауынгерлер арасындағы иерархия неғұрлым жоғары болса, олардағы шынайылық пен кешірімділік рухы соғұрлым жоғары болды.                                                    

Ирандық жауынгерлердің ең төменгі деңгейден жоғары командалық деңгейіне дейінгі барлық әрекеті мен өмір сүру тәсілі Құран Кәрімнің ілімдерінен және Алла Елшісінің сүннетінен және Алла Елшісі Мұхаммедтың (с.ғ.с.)  Әһле Бәйтінен (ғ.с.) алынған. Жалпы илаһи діндердің және оның ішінде исламның мазмұны мен ілімдері үш топқа бөлінеді: дүниетаным және наным-сенім, ахкам мен ережелерге қатысты категория және этика мен моральдық құндылықтар туралы арнайы категория бар.

Құран Кәрім ардақты Пайғамбарға (с.ғ.с.) ең жақсы және ең кемел илаһи кітап ретінде адамдарға жол көрсетіп, шынайы кемелдікке жақындату үшін түсірілген. Бірнеше аяттарда ардақты Пайғамбардың (с.ғ.с.) миссиясының мақсаты адамдардың жан дүниесін тәрбиелеу екені анық баяндалған және осыдан қасиетті Құран Кәрімнің адамгершілік құндылықтарға қаншалықты мән беретінін аңғаруға болады. Қасиетті Құранда адамдардың мәңгілік бақыты, құтқарылуы мен игілігі және оларға ұсынған адамгершілік құндылықтарының орындалуы арасында терең байланыс бар екені көрсетілген.Қасиетті Құран ахлақ кітабы болмаса да, онда ең маңызды ахлақ құндылықтары бар және мүміндерден өздерін соларға жеткізуді сұрайды. Сондай-ақ Пайғамбардың (с.ғ.с.) көркем мінез-құлқын дәріптеп, оны жақсы адам деп атай отырып, пайғамбарлық дәстүрге кейбір адамгершілік құндылықтарды жатқызған. Әділдік, жақсы мінез-құлық пен араласу, қайырымдылық, шыншылдық, жайдарлылық, сабырлық пен табандылық, құрбандық пен кешірімділік, Алланы сүю, бауырмалдық, пәктік, ашуланбауыв, кішіпейілділік, бос істерден аулақ болу, жақсы істерде ынтымақтастық, шынайылық пен сенімділік. Құран Кәрімде мадақталып, орындалуы бұйырылған адамгершілік қасиеттер мен мінез-құлықтардың қатарына жатады.

Қасиетті Құран Кәрімде моральдық құндылықтарды айтумен қатар кейбір қарсы құндылықтарды да атап өткен. Тәкаппарлық, нәпсіқұмарлыққа еру, жамандықтан күдіктену, біреудің ісін аңдыу, ғайбаттау, жала жабу, мін іздеу, өсек айту, сараңдық, қорқыныш, сараңдық, ысырапшылдық пен , жемқорлық, опасыздық, келісімді бұзу. Екіжүзділік, көреалмаушылық, азғындық және жүректің қатыгездігі Құран Кәрімде мүміндерді оларды тастап кетуге шақырған әдепке қайшы құндылықтар қатарына жатады. Құран Кәрім үйреткен адамгершілік құндылықтар адамдарда рухани-рухани эволюцияны тудырумен қатар, қоғамдық өмір саласында өнімді және нәтижелі нәтиже береді. Мысалы, Алла жолында сарп етушілерді Өзіңе жақындатуымен қатар, ислам қоғамы мен мұсылмандардың бетінен кедейлік пен жоқшылықты кетіреді. Немесе шыншылдарды Өзіңе бағыттауымен қатар, жамағат адамдарының арасындағы сенім рухын жаңғыртып, нығайтып, қоғам кеңістігін адами қарым-қатынас түріне сауықтырады.

Қасиетті Құран бойынша ахлақ құндылықтары айтарлықтай әсер ететін салалардың бірі – жиһад пен қорғаныс саласы. Құран Кәрім жиһад пен қорғанысты ең құнды және маңызды істердің бірі деп санаумен қатар, мүміндерді жігерлендіре отырып, олардың жан дүниесіндегі шетелдік басқыншыларға қарсы қорғаныс жалынын қоздырады. Басқаша айтқанда, Құран Кәрім бойынша, Ислам жауынгерлері өздерінің болмысын басқыншылықтан қорғап, жеңісті қабылдай алатындай ерекше сипаттар мен адамгершілік қасиеттерге ие болуы керек.  Құран Кәрімде жауынгерлерге арналған адамгершілік сипаттардың бірі – сабырлық пен табандылық. Құран Кәрімде ұрыс алаңында жеңіске жететін факторлардың бірі жауынгерлердің сабыры мен тұрақтылығы екені айтылған: "Уа, Пайғамбар! Мүміндерді соғысқа қызықтыр. Егер сендерден сабырлы жиырма кісі болса, екі жүзді жеңеді. Ал егер сендерден жүз кісі болса, кәпірлерден мыңды жеңеді. Өйткені, олар түсінбейтін халық". ("Әнфәл", 65-ші аят). Қасиетті Құран Кәрімнің келесі аятында: « Әзір Алла, сендерден (жүкті) жеңілдетті. Расында сендерде осалдық барлығын білетін еді. Сондықтан егер сендерден сабырлы жүз кісі болса, екі жүзді жеңеді. Ал егер сендерден мың болса, Алланың рұқсатымен екі мыңды жеңеді. Өйткені Алла, сабырлылармен бірге ",- деп айтылды. ("Әнфәл", 66-шы аят). Құран Кәрімде жауынгерлерге арналған тағы бір ерекшелік – Алланы еске алу. Құран Кәрім мұсылман жауынгерлеріне жеңіске жету және құтылу үшін жаумен бетпе-бет келгенде Алланы көп еске алуға кеңес береді: «Әй мүміндер! Қашан бір (жау) топпен қарсылассаңдар мықты болыңдар да Алланы көп еске алыңдар, әрине құтыласыңдар».("Әнфәл", 45-ші аят). Алланы үнемі зікір ету мүміндерді тура құлдық жолына, рухани кемелдікке жетелеп, кез келген ауытқудан, ластанудан, құлдыраудан сақтайтындығымен маңызды. Алланы еске алу мүмінді әрдайым биікте ұстап, қиындықта жүрекке тыныштық пен қуат береді. Алланы еске алу Алланы еске алуға жетелейді және бұл еске алудың ерекше түрі. Өйткені Алла Тағаланың ілімі мен көзқарасының шеңберінен тыс және жоқ еш нәрсе жоқ. Жауынгерлердің, оның ішінде қолбасшылар мен әскерлердің сақталған сөздері мен естеліктеріне шолу жасау олардың Алланың есімі мен зікірін назардан тыс қалдырмағанын көрсетеді.

Жауынгерлердің бірі имам Хұсейн атындағы армиясының қолбасшысы, сегіз жыл бойы қасиетті қорғаныстың ұлы қолбасшыларының бірі болған шәһид Хұсейн Харрази туралы былай дейді: «Біз Зейд заставасына миналарды анықтау үшін бардық. Ирактықтар алдымызға су шашып жіберді. Жұмысымызды түнде жасайтынбыз. Су мен лайдың ортасында минаны залалсыздандыру қиын іс болды. Өткел ашылғанша бірнеше түн жұмыс істедік. Бір күні таңертең Харазидің ағасы келіп, өтетін жол туралы айтып шағымданады. Алланың атын атамай сөзімді бастадым.  Харази: «Адам не істегісі келсе, Алланың атымен бастауы керек», – деді. Операция қиындыұұа тірелгенде, қолбасшы оны шешуге талмай талпынумен қатар, жасақтарға Алланы еске алуды насихатайтын. Олар Алланы еске алатын болса, Алла тағала да оларды еске алып, жәрдемдесетініне сенді.