Pars Today

Ақыр заманда Алла елшісінің (с.ғ.с.) ұрпақтарынан асыл да жоғары мәртебелі тұлғаның шығуы және оның бүкіл әлемде әділ Ислам үкіметін құруы туралы шиіттер және сүнниттер пікірі ортақ. Соңғы илаһи өкіл мен оның илаһи мұраттары Ислам әлемінің бірлігі пен ынтымағының негізі бола алады.

Ислам діні келгеннен бері 14 ғасырдан астам уақыт ішінде ислам мазхабтары жақтаушыларының арасында қайшылықтар болды. Бұл қайшылықтар кейбір уақыт пен аймақтарда күштірек, ал басқа уақытта осалырақ болды. Тарих көрсеткендей, мұсылмандар Ислам мен Құранның бірлікке қатысты нұсқауымен әрекет еткен сайын, бейбітшілік пен бауырластық көлеңкесінде көбірек ілгерілеушілік пен күш-қуатқа қол жеткізген. Келіспеушілік, дау-дамай, пайдасыз дау-дамайлар кезінде олардың билігін төмендетіп, басқалардың оларға үстемдік етуіне негіз болды. Міне, осы себепті Алла Тағала Құран Кәрімде мүміндерді дұшпандар алдында сабыр етіп, Өзіне тәуекел етуге шақырып: «Аллаға және оның елшісіне бойсұныңдар, керіспеңдер. Әйтпесе үрейде қаласыңдар, күш-қуаттарың кетеді. Сабырлы болыңдар. Анығында Алла солармен бірге»,- деді. Алланың осы бұйрығына сай әрекет ету қазір бұрынғыдан да қажет болып көрінеді. Өйткені жаһандық отаршылдар мен үстемдік етушілер байыппен және көптеген құралдармен, әсіресе бұқаралық ақпарат құралдары арқылы мұсылман әлемінде алауыздық тудырып, мұсылмандардың абыройын, күші мен діни құндылықтарын жоюға тырысуда. Ислам дінін ұстанушылар, кейбір айырмашылықтарға қарамастан, берік бірлікке қол жеткізе алатын көптеген маңызды және ортақ негіздерге ие. Осы ортақ факторлардың ішінде бір Алланы, Пайғамбарды (с.ғ.с.) және Қасиетті Кітапты, сондай-ақ барлық ислам діндері арасында ортақ пікірге келген адамзаттың құтқарушысы уәде етілген Мәһдиге (ғ.с.) деген сенімді атауға болады.

Қасиетті Құран Кәрімде Исламның таралуы және бүкіл жер шарында тақуалардың билігі туралы анық айтылған. Сондай-ақ, Исламның сүйікті пайғамбары (с.ғ.с.) мен оның әулетінен (ғ.с.) хазірет Мәһдидің (ғ.с.) көрнекті тұлғасы, ақырзаманның құтқарушысы және оның ғайып болуы мен келуі, оның әлемдік үкіметі туралы көптеген хадистер бар. Исламның ұлық пайғамбары (с.ғ.с.) хазірет Мәһди (ғ.с.)  туралы көптеген хадистерінің бірінде оны былай сипаттаған: «Менің әулетімнен (ақыр заманда) есімі менің атым, ахлағы мен сияқты адам көтеріліп, әлемді әділет пен тыныштыққа толтырады».  Сүннит жетекшілерінің бірі Ахмад бен Ханбал да Пайғамбардан (с.ғ.с.) келесі хадисті еске салады: «Дүние тіршілігіне бір-ақ күн қалса, Алла Тағала сол күні әулетімізден біреуді көтеріп, әлемді әділет пен тыныштыққа толтыратыны сөзсіз». Құран тәлімдері мен пайғамбарлық дәстүрге сүйене отырып, барлық мұсылмандар бірлігі мен жанашырлығының орталығы ретінде Алланың соңғы қамқоршысы хазірет Мәһдиді (ғ.с.) таңдай алады. Бұл мәселеде тек шиіттер оның дүниеге келгеніне және Алланың қалауымен ғайып болуынп және Оның әмірімен келетініне сенеді. Бірақ сүннит ғалымдарының көпшілігі хазірет Мәһди (ғ.с.) әлі дүниеге келмеген деп есептейді. Бұл анықтамамен екі топ ақырзаманда Алла елшісінің ұрпақтарынан асыл және жоғары дәрежелі тұлғаның шығуы және оның бүкіл әлемде әділ Ислам үкіметін құруы туралы ортақ пікірге ие. Соңғы илаһи өкіл (ғ.с.) және оның илаһи мұраттары Ислам әлемінің бірлік пен ынтымағы орталығы бола алады.

Бірақ уәде етілген Мәһди (ғ.с.) осінде бірліктің Ислам үмметі үшін артықшылықтары мен жетістіктері қандай?

Бұл сұрақтың бірінші жауабы – ол барша мұсылмандар, тіпті зұлымдыққа ұшыраған мұсылман еместер үшін де жарқын болашаққа деген үміттің көрінісі және символы. Хазіреттің пайда болуы мен жаһандық қозғалысына сенген адам Ислам әлемінің қазіргі бейберекет жағдайы мен пайдакүнемдік күштердің, үстемшіл және тәуелді үкіметтердің қол сұғушылықтары мен үстемдігінен үмітсіз қалмай, Құранның «Әнбия» сүресінің 105-шы аятында айтылғандай болашақты ізгі адамдардың пайдасына деп санайды. Бұл аятта: «Расында Тәураттан кейінгі Зәбүрде: "Жерге игі қүлдарым мұрагер болады" деп жаздық»,- деп айтылды. Осыны негізге ала отырып, хазірет Мәһди (ғ.с.) осы ізгі адамдардың басшысы болады және қазіргі жағдайды жақсартудан үміттілер оның келуін күтуде. Ислам пайғамбары (с.ғ.с.): «Менің үмбетімнің ең жақсы амалдары – имам Мәһдидің келуін күту»,- деген. Сондықтан бұл күту Пайғамбар (с.ғ.с.) айтқандай, құнды және өзіне ғибадат. Ислам мектебінің көзқарасы бойынша, бұл күту сындарлы және шынайы болуы керек, бұл жеке адам мен оның қоғамы оның көтерілісіндегі құндылықтар мен мақсаттарға сәйкес келетінін білдіреді. Уәде етілген құтқарушыны үлгі қылып көрсету адамды өзінің биік мақсаттарының орындалуына талпынуға шақырады. Хазірет Мәһдидің (ғ.с.) маңызды мақсаттарының бірі – түрлі әдістермен адамдарды кедей, азғын және дәрменсіз күйге түсірген залымдар мен бүлікшілермен күресу. Сондықтан осы исламдық және махдави мақсатына сүйене отырып, мұсылмандар зұлымдыққа бағынбайды, керісінше оған қарсы тұрады.

Хазірет Мәһди (ғ.с.) өзінің ата-бабасы Пайғамбардың (с.ғ.с.) дінін жаңғыртушы және Исламның үкімдері мен Құранның нұрлы ілімдерін әлемде жүзеге асырушы. Бұл сүйінші хабарды Алла Елшісі (с.ғ.с.) өзі жеткізген және оның қайта тірілуінің маңызды қасиеті әртүрлі дұғаларда айтылған. Бұл сипаттамамен оның пайда болуын күткен мұсылмандар да дінге жат және батыстық құндылықтар мен өмір салтына мән бермей, Исламның ілімдері мен заңдарын қарастыруға тырысады.

Уәде етілген Мәһди (ғ.с.) Исламның қағидалары мен ілімдеріне негізделген жаһандық үкімет орнатады. Бұл әрбір мұсылман үшін толғандыратын әрі қуанышты және өз алдына Ислам әлемінің хазіреттің асыл мақсаттары төңірегінде бірігуінің факторы болып табылады. Негізінде Ислам үмбетінің  бірлігі мен ынтымағы сол Пайғамбардың (с.ғ.с.) шығуына негіз болды. Мұсылмандар біртұтас болып, бөлінуден алыс болғанда өздерін де, қоғамды да адамзатты құтқаратын жаһандық көтеріліске дайындағаны сөзсіз. Сондай-ақ Алла Тағала олардың барлығының тілектеріне көбірек көңіл бөліп, қорғаушысының көріну уақытын жақындатады. Исламды жаңғыртушы және оның құнды ілімдеріне негізделген жаһандық үкіметтің негізін қалаушы және баршаны зұлымдықтан, кемсітушіліктен, жемқорлық пен жоқшылықтан құтқарушы хазірет Мәһди (ғ.с.) Ислам әлемінің бірлігі, ынтымағы мен жанашырлығының берік арқауы болып саналады.