Pars Today

7 қазан Батыс Азия аймағының саяси тарихында қалады. Бұл күні Палестина Исламдық Қарсыласу қозғалысының (ХАМАС) жауынгерлері сионистік режимге шабуыл жасап, осы жалған режим 75 жылдық тарихындағы ең ауыр жеңіліске ұшырады. Бұл жеңілісті революцияның жетекшісі «орны толтырылмайтын жеңіліс» деп атады.

Ислам революциясының жетекшісі АҚШ-тың "әл-Ақса дауылы" операциясы басталғаннан кейін сионистік режимнің қылмыстарындағы рөліне тоқталды.

Аятолла Хаменеи Лурестан шәһидтері конгресінің мүшелерімен кездесуінде Газадағы болашақ оқиғаларға тоқталып, Американы сионистік режимнің Палестина халқына қарсы қылмыстарында серіктес деп атап: «Бұл жағдайда АҚШ қылмыскерлердің нақты сыбайласы болып табылады. Яғни, бұл қылмыста Американың қолы шынтағына дейін езілгендердің, балалардың, науқастардың, әйелдердің және басқалардың қанына батқан. Шындығында,   Газадағы қылмысты АҚШ басқарып отыр",- деді.

Түрлі елдер мен халықаралық институттардың сарапшылары, заңгерлері мен лауазымды тұлғаларының мойындауларына сәйкес, сионистік режим Газаға қарсы соғыста өз еркімен және біле тұра геноцид жасауда. Бірақ бұл режимге қарсы әлемдік деңгейде ешқандай салмақты шара қолданылған жоқ. Мұның басты себебі – Американың Газаға қарсы соғыста сионистік режимге қолдау көрсетуі. АҚШ сионистік режимге қарсы жаһандық әрекетке қалай тосқауыл қойды?

1. Газаға қарсы қылмысты заңды қорғаныс құқығымен теңестіру

Біріккен Ұлттар Ұйымы Жарғысының 51-ші бабында заңды қорғаныс құқығына баса назар аударылған. 51-бапта былай делінген: «Біріккен Ұлттар Ұйымының мүшесіне қарулы шабуыл жасалған жағдайда, Қауіпсіздік Кеңесі халықаралық бейбітшілік пен қауіпсіздікті сақтау үшін қажетті шараларды қабылдағанға дейін, осы хартия ережелерінің ешқайсысы жеке немесе ұжымдық өзін-өзі қорғаудың ажырамас құқығына нұқсан келтірмейді. Мүшелер Қауіпсіздік Кеңесіне осы өзін-өзі қорғау құқығын жүзеге асыру кезінде қабылдаған әрекеттері туралы дереу есеп беруі керек. Бұл әрекеттер Қауіпсіздік Кеңесінің осы жарғыға сәйкес өкілеттіктері мен міндеттеріне ешбір жағдайда әсер етпейді, оған сәйкес ол халықаралық бейбітшілік пен қауіпсіздікті сақтау және қалпына келтіру үшін қажет деп санайтын кез келген уақытта қажетті шараларды қабылдайды. БҰҰ Жарғысының осы бабына сәйкес, америкалықтар сионистік режим Хамастың 7 қазандағы шабуылынан кейін өзін қорғауға құқылы деп мәлімдейді.

Сондықтан сионистік режимнің геноцидтің айқын үлгісі болып табылатын Газа халқына қарсы соғысы мен қылмысы заңды өзін-өзі қорғау деп белгіленді. Және ол бірінші сәттен-ақ қақтығыстың бір жағының, яғни сионистік режимнің қолдаушысы ретінде көрінді. Соғыс жалынын сөндіруде тиімді рөл атқара алатын делдал ретінде емес. Дегенмен, АҚұрама Шен сионистік режимнің мәлімдегеніне қарамастан, сионистік режимнің қылмыстары заңды қорғаныс құқығы емес, өйткені: Біріншіден, сионистік режим 75 жыл бұрын Палестина географиясын басып алған басқыншы режим және жалғастыруда. Екіншіден, ХАМАС-тың басып алынған жерлерге шабуылы 75  жыл бойы зорлық-зомбылық, репрессия және қылмысқа жауап болды, бұл мәселеге тіпті БҰҰ Бас хатшысы Антониу Гутерриш де назар аударып: «Хамастың шабуылдары себепсіз жасалмады» деді. 2023 жылдың басында Нетаньяхудың экстремистік және нәсілшіл министрлер кабинетінің құрылуымен палестиналықтарға қарсы зорлық-зомбылық пен басқыншылық ең жоғары деңгейге көтерілді, осылайша 7 айдағы палестиналық шәһидтер саны 2022 жылы 12 айдың деңгейіне жетті. Негізінде ХАМАСтың істегені сионистік режимнің қылмыстары емес, заңды қорғаныс құқығы болды. Осы талап бойынша АҚШ Қауіпсіздік кеңесінде сионистік режимге қарсы кез келген жаһандық әрекетке тосқауыл қойды.

2. Вето құралын теріс пайдалану

Американың сионистік режимді қолдау үшін жасаған тағы бір әрекеті Біріккен Ұлттар Ұйымының Қауіпсіздік Кеңесінде рөл атқаруы болды. АҚШ сионистік режим құрылғаннан бері сионистік режимге қарсы 50-ден астам қарарға вето қойды.Соғыстың соңғы 40 күнінде БҰҰ Қауіпсіздік Кеңесіне 5 қарар ұсынылды, оның 4-іне АҚШ, Ұлыбритания және Франция вето қойған. Тек 40 күннен кейін ғана Қауіпсіздік кеңесінде АҚШ "қалыс" қалған қарар мақұлданды. БҰҰ Бас Ассамблеясы мен ЮНЕСКО антисионистік қарар консенсуспен мақұлданған мекемелердің қатарында болғанымен, шешімдерінің орындалуына кепілдік берілген мекеме – Қауіпсіздік Кеңесі. АҚШ үкіметі вето құралын қолдану арқылы сионистік режимнің қылмыстарын тоқтату қарарының алдын алды. Осы кеңесте мақұлданған жалғыз қарар сионистік режимнің қылмыстарын айыптамай, жай ғана гуманитарлық үзілістерге шақырды. Американың Қауіпсіздік кеңесінің беделін түсірумен бірге сионистік режимді қолдау үшін вето құқығын қолдануы да бұл режимге Газа халқына қарсы геноцидті жалғастыруға рұқсат берді.

3. Араб және ислам елдерінің қаупі

Американың сионистік режимге қолдау көрсету үшін жасаған тағы бір әрекеті – араб және ислам елдерін сионистік режимге қарсы кез келген әрекеттен қорқыту. 7 қазаннан бері Америка қайраткерлері Батыс Азия аймағына талай рет барып, аймақтағы елдердің ресми өкілдерімен кездесті. Сионистік режимге қарсы кез келген әрекетке тосқауыл қою немесе соғысты кеңейтуден бас тарту Америка қайраткерлері мен араб және ислам елдері билігінің кездесуінің негізгі осьтерінің бірі болды. Осыған байланысты «Ансарулла» жетекшісі Абдул Малик әл-Хоуси: «Америкалықтар араб және ислам елдеріне қысым көрсетіп, Газа халқына қандай да бір іс жүзіндегі көмек көрсетуден бас тартты» деді. Сонымен қатар, америкалықтар аймаққа кемелер мен әскерилерді жіберу арқылы қажет болған жағдайда сионистік режимге қолдау көрсету үшін әскери әрекеттерге баратынын көрсетті. Араб және Ислам елдерінің әрекеттері үлгісі Палестинаға қолдау көрсету үшін ешқандай салмақты шара қолданбағанымен, Американың қауіп-қатері де бұл  әрекетке әсер еткен жоқ. Америка мен Еуропа елдерінің сионистік режимнің Газада болған қасіреті алдындағы бұл әрекеті, Йемендегі Ансарулла жетекшісінің сөзімен айтқанда, "Батыс қоғамдарының лас ақиқатын дәлелдеді. Бұл олардың құқықтары мен бостандықтары саласындағы талаптарының әшкере болғанын және жалған екенін дәлелдеді".