Газа балалары АҚШ бомбаларынан өлімге ұшырауда

Өткен 75 жыл ішінде заңсыз Израиль режимі нәсілшілдік саясаты мен жаппай өлтіру арқылы тірі палестиналықтарды, әсіресе балаларды нысанаға алып қана қоймай, бірнеше ондаған жылдар бойы палестиналықтардың өлі денелеріне де аяусыз әрекеттерден бас тартпады.

Сионистік режимнің Газа секторына жасаған жойқын шабуылдарынан үш ай өткен соң бұл аймақ әлемдегі балалар үшін ең үлкен қасапханаға айналды. Күн сайын жүздеген бала американдық қырғи ұшақтары мен бомбалардан шәһид болады. Америкалық қырғи ұшақтары мен бомбалардан 20 мыңнан астам адам шәһид болды, олардың жартысы балалар.

Газа денсаулық сақтау шенеуніктерінің хабарлауынша, ғимараттар қирандыларының астында мыңдаған адам қалған. Рождество қарсаңындағы үлкен қылмыста сионистер жүз баланы шәһид етті. Бала құқықтарының жалпыға бірдей декларациясы қабылданғаннан бері бірнеше ондаған жылдар өтті. Оған қол қоюдан әлі де бас тартып отырған АҚШ-тан басқа барлық қол қойған елдер жауапкершілікті мойындап, балалардың құқықтары мен өмірін, әсіресе соғыстарда қорғауға бар күш-жігерін салуға уәде берді. Бұл декларацияға сәйкес, балалар әлемнің қай жерінде болса да, нәсіліне, жынысына, дініне және тіліне қарамастан қақтығыстар мен соғыстарда толығымен қауіпсіз болуы керек. Оларға Біріккен Ұлттар Ұйымы мен оның еншілес ұйымдарының бақылауындағы баспаналарда күтім көрсетілуі керек. Бірақ балалар құқығын қорғаймыз дегендердің көзқарасында палестиналық балалар сионистік режим басшылары айтқандай хайуан тәрізді адам.

Израиль әскерлері палестиналық жауынгерлермен бетпе-бет соғыса алмай, балалар мен әйелдерді өлтіру арқылы палестиналықтардың қарсылығын бұзуға тырысуда. Сионистердің Газаға бастаған жойқын шабуылдарынан үш ай өтсе де Нетаньяху бастапқы мақсаттарына жете алмады. Осы себепті Израиль армиясы палестиналық әйелдер мен балаларды барынша қарқынды түрде өлтіруді жалғастыруда. Адам құқығы туралы жар салатын АҚШ пен Еуропа үкіметтері сионистік қылмыстарға үндемеу және қаржылық және әскери көмек көрсетуді жалғастыру және Қауіпсіздік кеңесінің отырыстарында сәтсіздікке ұшырату және соғысты тоқтату туралы қарар жобаларына вето қою арқылы Палестина геноцидін қолдайды. Израиль әскерлері тіпті палестиналық мәйіттерді де аямайды. Израильдің палестиналықтарға қарсы қылмыстары алуан түрлі және олардың әрқайсысы үлкен назар аударуды және дербес зерттеуді қажет етеді.

Өткен 75 жыл ішінде заңсыз Израиль режимі нәсілшілдік саясаты мен жаппай өлтіру арқылы тірі палестиналықтарды, әсіресе балаларды нысанаға алып қана қоймай, бірнеше ондаған жылдар бойы палестиналықтардың өлі денелеріне де аяусыз әрекеттерден бас тартпады.

Мәйіттерді ұрлау немесе олардың дене мүшелерін пайдалану үшін нысанаға алу әдетке айналды. Басқаша айтқанда, Израильдің палестиналықтарды үздіксіз қырып, геноцид жасап, жерін тастап кетуге мәжбүрлеуімен бірге палестиналықтардың денелерін тәркілеу және дене бөліктерін ұрлау да Израильдің Газа халқына қатысты қазіргі тәжірибесінің бірі болып табылады. ФАТХ қозғалысының баспасөз хатшысы Джамал Наззал Мысырдың сионистік режимнің Газа шәһидтерінің органдарын ұрлауына қатысты  зерттеуі туралы былай деді: «Газа секторында әзірге тағдыры белгісіз 10 мың палестиналық үйінді астында қалды. Басқыншылардың әскери қылмыстары туралы күдік көп».

29 желтоқсан, жұма күні Мысырдың «Елюм аш-Шиим» газеті былай деп жазды: «Сионистік режим ұзақ уақыт бойы қасында сақтаған палестиналық шәһидтердің дене бөліктері мен терісін ұрлаған». Рафахтағы шәһид Мұхаммед Юсуф ан-Наджар атындағы ауруханасының директоры, доктор Марван әл-Хамс: «Басқыншы Израиль армиясы 26 желтоқсанда тапсырған палестиналық шәһидтердің дене бөліктерін ұрлаған. Сионистік армия өздері ұстаған палестиналық шәһидтердің мәйіттерін жүк көлігімен жіберді. Мәйіттердің бөліктері көк қапшықтарда және олардың барлығы аяқ-қолсыз және құмға толы»,- деді.

Сионистердің палестиналық шәһидтердің дене бөліктерін ұрлағаны туралы алғашқы хабарлардың бірін тәуелсіз швед журналисі Дональд Бостром 2009 жылы 26 тамызда «Aftonbladet» газетінде «Олар біздің ұлдарымыздың дене бөліктерін ұрлап жатыр» деген тақырыппен жариялады". Ол өз есебінде донорлық органдардың жоқтығына және сұраныс пен ұсыныс арасындағы алшақтыққа байланысты 1992 жылдың жазында сол кездегі денсаулық сақтау министрі Эхуд Ольмерт қайтыс болғаннан кейін орган донорлығын мемлекеттік тіркеуге бағытталған үлкен науқанның басталғанын айтып, былай деп жазады: «Науқан жүріп жатқан кезде көптеген палестиналық жас жігіттер Иордан өзенінің батыс жағалауы мен Газадағы ауылдардан жоғалып кетті, ал бес күннен кейін израильдік әскерилер денелерінде әртүрлі жерлері тігілген мәйіттерді отбасыларына қайтарды.

Біріккен Ұлттар Ұйымы қызметкерлерінің палестиналықтардың дене бөліктерін израильдіктердің ұрлағаны туралы мәлімдемелерін тексеру үшін ол палестиналық отбасылармен сұхбатында жастардың дене бөліктері өлтірілмес бұрын денелерінен алынғанын анықтады. Палестина Денсаулық сақтау министрлігінің бас директоры Мунир Альбурш 18 қараша күні Al Jazeera Arabic арнасына Израиль күштерінің Газаның солтүстігіндегі әл-Шифа ауруханасынан 130 мәйітті және 15 мәйітті жаппай бейіттен алып шыққанын айтты.  Бұл мәйіттер біраз уақыт із-түзсіз жоғалып, кейін олардың біразы қайтарылды. Соңғы жағдайда Газа үкіметінің БАҚ кеңсесі 27 желтоқсанда басқыншы күштердің 80 шәһидтің дене бөліктерін ұрлаған соң, олардың аты-жөні мен ұрланған жерінің атын атамай-ақ, кесілген денелерін тапсырғанын хабарлады. Газадағы дәрігерлер мәйіттерден құлақ иірімі (кохлеа), қасаң қабық және бауыр, бүйрек және жүрек сияқты өмірлік маңызды органдардың жоқтығын хабарлаған.

Сионистік режим палестиналықтардың қаһармандық қарсыласуын бұзу үшін оларға қарсы ешқандай қылмысты аямайды. Балалар мен әйелдерді өлтіру, палестиналықтардың денелерін құрметтемеу және олардың дене бөліктерін ұрлау, Газадағы барлық инфрақұрылымды қирату осы режимнің Газадағы соңғы үш айда жасаған қылмыстарының қатарында.

The Wall Street Journal былай деп жазды: «Газа секторындағы соғыс соншалықты жойқын болды. Масштабы жағынан қазіргі тарихтағы ең жойқын қалалық соғыспен салыстыруға болады. Желтоқсан айының ортасына дейін Израиль Газаға 29 мыңнан астам бомба, оқ-дәрі және оқ тастады. Газадағы 439 мың үйдің шамамен 70 пайызы және аймақтағы ғимараттардың жартысына жуығы зардап шекті немесе толығымен қираған. Жарылыстар Византия шіркеулері мен көне мешіттерге, зауыттарға, көпқабатты үйлерге, сауда орталықтары мен люкс қонақүйлерге, театрлар мен мектептерге шығын келтірді. Газаның жұмысын қамтамасыз еткен су, электр қуаты, байланыс және денсаулық сақтау инфрақұрылымының көп бөлігі жөндеуге келмейді". Франческа Албанезе, БҰҰ-ның Палестина істері жөніндегі адам құқықтары жөніндегі баяндамашысы: "Израильдің палестиналықтарға, әсіресе Газа халқына жасап жатқаны – осы ғасырдың айуандығы",- деді.

Гуманизм туралы уәжденетін үкіметтер мен сионистік режимнің қылмыстарына қарсы осы үнсіз қалып отырған әлемдегі діни мекемелердің, әсіресе Ватикан шіркеуіне арсы шыққан еркін адамдар бар. Басып алынған Иордан өзенінің батыс жағалауындағы тарихи Бетлехем қаласындағы Пресвитериан шіркеуінің басшысы пастор Мунтер Исаак Рождество мерекесінде Батыс әлемінің екіжүзділігі мен нәсілшілдіктерін сынап, Газаның әлемнің моральдық компасына айналғанын айтты. Ол: "Батыс әлемінің екіжүзділігі мен нәсілшілдігі қорқынышты", - деді. сөзін «Иса үйіндінің астында қалды» деп бастаған Исаак: "Біз ашуланып, ренжіп, Рождествода қуанудың орнына қайғырамыз",- деп айтты.

Палестиналық діни қызметкер Газада 20 мыңнан астам адамның қаза тапқанын, олардың мыңдағаны әлі үйінділер астында қалғанын және 9 мыңға жуық баланың ең қатыгездікпен өлтірілгенін атап өтті. Ол сондай-ақ 1,9 миллион адамның қоныс аударып, жүздеген мың үйлердің қирағанын айтты. Пастор Исаак Ватикан шіркеуінің осы қылмыстарға қарсы үнсіздігін айтып, былай деді: «Шіркеудің сыбайластығына наразымыз. Достарға үндемеу қылмысқа қатысы бар және оған қатысы бар екені түсінікті болуы керек. Ал атысты тоқтатусыз және оккупацияны тоқтатпай бейбітшілікке шақыратын бос шақырулар мен тікелей әрекетсіз үстірт жанашырлық сөздердің бәрі қылмысқа қатысу болып бағаланады».

Бұл палестиналық діни қызметкер сөзін жалғастырып, менің жолдауым келесі, деді: "Бүгінде Газа әлемнің моральдық компасына айналды. 7 қазанға дейін Газа тозаққа айналып, әлем үнсіз қалды. Енді сол үнсіздікке таң қалуымыз керек емес пе? Газада болып жатқан жағдай сізді үрейлендірмесе. Денең қалтырап қалмаса, адамдығыңда бір кемшілік бар».  "Монтер Исаак өзінің эмоционалды сөзінің соңында: «Палестиналықтардың көрген орасан зор соққысына қарамастан, біз әрқашан палестиналықтар ретінде істегеніміздей, қалпына келеміз, көтерілеміз», - деді. Сондай-ақ қатысқан христиан көшбасшыларының халықаралық делегациясына рахметін айтып: "Құдай бізге сендер арқылы тастап кетпейтінін айтты. Егер Иса бүгін дүниеге келсе, Газадағы үйінді астында туар еді», - деді. Исаның шіркеуде туылғанын мойындай отырып, ол палестиналық орамалы бар бомбаның үйінділерінен табылған қуыршақты көрсетті. Газада жалғасып жатқан қатыгездікке байланысты Бетлехемде Рождество мерекесін тойлау тоқтатылды...