Иса Мәсіхтің (ғ.с.) Құран Кәрімдегі бейнесі (3)

«Бақара сүресінің 87-аяты Исаның (ғ.с.) өзінен бұрынғы пайғамбарлардың жолын жалғастырушы екенін және олар көрсеткен қарсылық пен күресті хазірет Исаның да жүзеге асырғанын баяндайды.

Құран Кәрім көптеген аяттарында хазірет Исаның пайғамбарлық және жетекшілік рөлін әр қырынан баяндайды. Құран хазірет Ибрахимнің осы пәк ұрпағының өмірі туралы толық көрініс ұсынатын ең басты дереккөз болып табылады. Құран Кәрім Исаның шынайы Исламның жаршысы екенін қуаттап, Алла оны өзінің «рухы» деп атаған пайғамбарға деген адамдардың құрметі мен сүйіспеншілігін арттыра түседі.

«Бақара» сүресінің 87-аяты Исаның (ғ.с.) өзінен бұрынғы пайғамбарлардың жолын жалғастырушы екенін және олар көрсеткен қарсылық пен күресті Иса Мәсіхтің де жүзеге асырғанын баяндайды: «Расында Мұсаға (Ғ.С.) кітап бердік те, одан кейін пайғамбарларды жалғасты түрде жібердік. Және Мәриәм ұлы Ғиса (Ғ.С.) ға да мұғжизалар беріп, Жебірейіл (Ғ.С.) арқылы қуаттадық.»

Бұл сүреде Закария, Яхия мен Ілияс есімдері аталып, олардың барлығы лайықты адамдар ретінде ескеріледі. Олар қарапайым халық сияқты өмір сүріп, тамақтанып, Аллаға ең жақсы тәсілдермен ғибадат еткен және адамдарды құтқарылуға қарай бағыттаған жетекшілер болған.

Хазірет Иса адамдарды таухидке шақырып: «Түндерін ғибадатпен өткізетіндер бақытты! Олар соңынан мәңгілікке сақталатын нұр қалдыратындар» деді. (Тухаф ул-Уғул, 510 бет)

Осы аяда имам Реза (ғ.с.) мәсихи дінінің бір ғұламасымен пікірталасында: «Бірақ біз Исаға оның ғибадаттағы, ораза мен намаздағы кемшілігіне байланысты наразылық білдіреміз!» деген кезде ғұлама ашуланып: «Мен бүгінде Ислам үмбетінің арасында сізден дана адам жоқ деп ойлағанмын! Иса түндерде ояу болып, күндіз ораза тұтатын. Ғибадатта да ешқашан кемшілігі болмаған!» дейді.

 Имам осы сөздерден кейін: «Егер солай болса, хазірет Иса кім үшін намаз оқып, ораза тұтты? Сіздер Исаны Құдай деп санайсыздар ғой?!» деген кезде ғұлама басын төмен түсіріп, үнсіз қалады.