Рухани "Кеңестер мен қала әкімдері-2016" атты әлемдік саммитінде баяндама жасады
ИИР президенті тұрақты бейбітшілік орнату үшін әлемдік ынтымақтастықтың қажеттілігін қуаттады.
Президент әкімшілігінің ақпарат тарату торабының хабарлауынша, ИИР президенті Хасан Рухани сәрсенбі күні Теһранда "Кеңестер мен қала әкімдері-2016" атты тұңғыш әлемдік саммитінде жасаған баяндамасында: "Қатыгездік, әсірешілдік және лаңкестікті доғарудың жалғыз жолы ұстамдылық пен бір- бірінің мәдениетін құрметтеуді жоғарылату мен түрлі қоғамдардың мәдени және тұрмыс тәсілі тұрғысынан жақындасуы болып табылады. Әлемдегі қала әкімдерінің бір- бірімен байланыста болуы ұлттар мен үкіметтер арасындағы сүйіспеншілік пен мәдени, әлеуметтік, ғылыми және басқарушылық байланыстарды күшейте алады" деді.
ИИР президенті сондай- ақ қалалық және ауылдық кеңестерді құруды діни және исламдық демократия бағытындағы аса маңызды және үлкен қадам деп атап: "Бүгінде кеңестер Иранның климаттық және мәдени ерекшеліктері мен әлемдік өркениет тұрғысынан исламдық Иранның қалаларын басқару мен дамыту үшін жақсырақ бағытта бола алады" деді.
ИИР президенті сондай- ақ «Ортақ қадам» жан- жақты бағдарламасы туралы: "«Ортақ қадам» ядролық келісімінен кейін исламдық Иран мен өзге елдердің арасындағы байланыстар экономикалық, әлеуметтік, мәдени және ғылыми тұрғыдан оңайырақ және жақынырақ болып отырған жағдайға жеттік" деді.
