Революцияның мәртебелі жетекшісі Иран спортшыларына алғыс айтты
Ислам революциясының мәртебелі жетекшісі Рио-2016 Олимпиада сайыстарына қатысқан Иран ислам республикасының спортшылары мен жаттықтырушыларына және чемпиондарға алғыс айтты.
Ислам революциясының мәртебелі жетекшісі бюросының ақпарат тарату торабының мәлімдеуінше, Ислам революциясының мәртебелі жетекшісі хазірет аятолла Хаменеидің Рио-2016 Олимпиадасынан оралған спорт керуеніне жолдауында: «Медаль алып, Иран халқын шаттыққа бөлеген чемпиондарға, төрешілердің адал төрелік жасамауынан өз хақысынан мақұрым қалған палуандарға, табысқа жетпесе де еңбегінің құны кемімейтін спортшыларға, ирандық әйелдің мақтанышты киімін баршаға паш еткен спортшы әйелдерге, толық хиджабымен керуен басында жарқыраған батыр әйелге және жаттықтырушылар мен Иран спортының ардагерлеріне қошемет айтып, барлығына алғыс айтамын» деп жазылған.
Иран спортшылары екі апта бойы Бразилияның Рио қаласында өткен Олимпиада ойындарының 21-ші кезеңінде үш алтын, бір күміс және төрт қола медаль алып, 25- ші орынды иемденді.
Иран спортшылары бұрынғы 2012 жылғы Лондон Олимпиадасында 17- ші орынға қол жеткізген болатын.
