Рухани: Географиялық шекаралардағы өзгерістер – тынышсыздықтардың артуының факторы
ИИР Президенті Ирак пен Сирияның орталық үкіметтерін күшейтуді қуаттап: «Географиялық шекаралардағы тұрақтылықты бұзу аймақтағы тынышсыздықтар мен тұрақсыздықтардың артуына себеп болады»,- деді.
Хасан Рухани дүйсенбі күні Түркия армиясы Бас штабының қолбасшысы Хулуси Акармен Теһрандағы кездесуінде Иран мен Түркияның аймақта лаңкестік, тынышсыздық және тұрақсыздық сынды қоқан-лоққылармен бетпе-бет келіп отырғандықтарына тоқталып: «Бұл қоқан-лоққыларды жою үшін ортақ мүдделер негіздері бойынша Теһран мен Анкараның жан-жақты қарым-қатынастары мен ынтымақтастықтарын арттыру қажет»,- деп қуаттады.
Рухани сонымен бірге аймақтағы лаңкестікпен күресуді және географиялық шекараларды сақтап қалуды Иран мен Түркияның ынтымақтастық пен қарым-қатынастарын дамытуының ең маңызды мақсаттарының бірі деп атап: «Иран мен Түркия аймақтың маңызды елдері және аймақ қауіпсіздігінің тірегі ретінде әрқашан бірге болып, аймақ мәселелерін шешуге жақсырақ әсер ете алады»,- деді.
Түркия армиясы Бас штабының қолбасшысы Хулуси Акар да Иран мен Түркияны аймақтың маңызды екі мемлекеті деп атап: «Екі мемлекет ынтымақтастығы мен қарым-қатынастарын дамытып, аймақта тұрақтылық пен тыныштық орнатуда рөл атқара алады. Түркия аймақтың барлық елдерінің территориялық тұтастығын құрметтеп, лаңкестік және тұрқасыздықпен күрес саласында дос мемлекеттермен, әсіресе Иранмен ынтымақтастық жасауға дайын»,- деді.
