"Ортақ қадам" жан-жақты бағдарламасының күші жойылатын болса, Иран Қосымша протоколды орындамайтыны туралы ескертті
Иранның Атом қуаты ұйымның басшысы "Ортақ қадам" жан-жақты бағдарламасының күші жойылатын болса, Иранның осы кезге дейін өз еркімен орындап келген Қосымша протоколды орындауды тоқтататыны туралы ескертті.
Әли Акбар Салехи сенбі күні Иран Телерадио бірлестігінің ақпарат агенттігіне берген сұхбатында АҚШ Президенті Дональд Трамптың Иранға қарсы дұшпандық ұстанымын сынап, оның Иранның әскери орталықтарын аралау туралы заңсыз талабын қабылдамай: "Иран "Ортақ қадам" жан-жақты бағдарламасында қарастырылған зерттеулерін жүргізіп, өз міндеттемелерін орындады. Алайда, бұл негіздерден артық басқаның кез келген талабын орындай бермейді. "Ортақ қадам" жан-жақты бағдарламасы туралы келіссөздер қайталанбайды. Трамптың Иранның "Ортақ қадам" жан-жақты бағдарламасын бұзуы туралы уәждері заңсыз сионистік режимнің қысымдары мен талаптарының салдары",- деп қуаттады.
Салехи сонымен бірге "Иран АҚШ-тың дұшпандық әрекеттерімен, әсіресе аталмыш бағдарламаның күшінің жойылуымен бетпе-бет келуге дайын. Егер ИИР басшылары "Ортақ қадам" жан-жақты бағдарламасының бұдан былай Иран үшін пайдасыз екендігін көрсе, бұл ел Форду нысанында уранды 20 пайызға байытуды бастайды",- деді.
