Рухани: Иранның ядролық әлеуеті өте жақсы жағдайда

ИИР Президенті елінің ядролық саладағы жетістіктеріне тоқталып: «Қазіргі таңда Иранның ядролық әлеуеті басқа кезеңдерге қарағанда өте жақсы жағдайда»,- деді.

Хасан Рухани дүйсенбі күні Иранның оңтүстігіндегі Керман облысының Рафсанджан халқының ортасында сөйлеген сөзінде: «Өткен жылдары Иранда ядролық энергетика саласында зерттеу және оны дамыту жұмыстары жалғасып, осы кезде елдің центрифугалары 5 түрден 15 түрге артты»,- деді. Рухани сондай-ақ «Ортақ қадам» жан-жақты бағдарламасы сақталған жағдайда мемлекеттің алдағы жылдары қауіпсіздік және қорғаныс салаларында үлкен жетістікке жететініне тоқталып: «Егер БҰҰ-ның №2231 қарары бойынша, «Ортақ қадам» жан-жақты бағдарламасы сақталатын болса, келесі жылы Иранның қару-жарақ саласындағы санкцияларының күші жойылып, мемлекет қару сатып алу және экспорттау мүмкіндігіне ие болады»,- деді.