Камалванди: Иранның бейбіт мақсатты ядролық бағдарламасы жалғасады

Иран Атом ұйымының баспасөз хатшысы АҚШ-тың осы ұйымның басшысына санкция енгізуіне тоқталып, Иранның бейбіт мақсатты ядролық бағдарламасының елдің қажеттіліктеріне сай жалғасатынын қуаттады.

АҚШ Қаржы министрлігі АҚШ-тың Иранға қарсы дұшпандық және заңсыз саясаттарының жалғасында бейсенбі күні ИИР Атом ұйымының басшысы Әлиакбар Салеһиді санкциялар тізіміне енгізді. Иран Телерадио бірлестігі ақпарат агенттігінің мәліметінше, Беһруз Камалванди бейсенбі кешке: «АҚШ-тың Иран Атом ұйымының басшысы Әлиакбар Салеһиге қарсы санкция салуы саяси ойын және үмітсіздігінің белгісі. Сондықтан бұл шешімнің ешбір құны жоқ.  «Ортақ қадам» жан-жақты бағдарламасынан шығып,  келісімді бұзған АҚШ Иранның міндеттемелерін орындауы жөнінде пікір білдіретін жағдайда емес»,- деді.