Рухани: Иранда халықтың қолдауы арқасында коронавируспен күрес сәтті жүргізілуде

Иран Президенті елдің медицина қызметкерлерінің коронавируспен күрестегі сәттілігін халықтың қолдауы мен әріптестігінің арқасы деп атады.

Хасан Рухани сейсенбі күні Ұлттық коронавируспен күресті басқару штабының отырысында Иран халқының әлеуметтік қашықтықты сақтау жобасы мен үкіметтің коронавируспен күресуге қатысты барлық бағдарламаларын қолдағанына алғыс айтып: «Дүниежүзілік денсаулық сақтау ұйымының мәлімдеуінше, Иран коронавирус жұқтырғандар көрсеткіші жөнінен әлемнің көптеген елдерімен салыстырғанда жақсырақ жағдайға ие»,-деді.

Рухани Иранның медицина қызметкерлеріне алғыс айтып: «Облыстардың ауруханаларына коронавирус жұқтырғандардың жеткізілуі азайды, керісінше емделіп шыққан адамдардың саны артып келеді»,-деді.