Иранда бір тәулікте 371 адам коронавирустан көз жұмды
Қар 30, 2020 19:38 Asia/Almaty
Иран Денсаулық сақтау министрлігінің ақпарат хатшысы елде өткен 24 сағатта 13 мыңнан аса адамнан індет анықталғанын және одан 371 адамның көз жұмғанын хабарлады.
Сима Садат Лари дүйсенбі күні елде коронавирус жұқтырғандардың жағдайы жайлы: «Нақты диагностикалық көрсеткіштерге сәйкес, өткен 24 сағатта 13321 адамнан COVID-19 анықталды. Олардың 2277-і ауруханаға жатқызылып, қалғандарына амбулаторлық қызмет көрсетілді»,-деді.
Сима Садат Лари Иранда COVID-19 жұқтырғандардың жалпы саны 962070 адамға жеткенін айтып: «Өкінішке қарай, өткен 24 сағатта 371 адам коронавирустан көз жұмды. Осы індеттен қайтыс болғандардың жалпы саны 48246 адамға жетті»,-деді.
