Генерал-майор Салами: Еуропалықтар бұрынғы қателіктерін қайталамауы керек
Ислам революциясы Сақшылар корпусының бас қолбасшысы Еуропа парламентінің Ислам революциясы Сақшылар корпусының атын «лаңкестік ұйымдар» тізіміне енгізудегі шарасыз әрекетіне реакция білдіріп: «Еуропалықтар бұрынғы қателіктерін қайталамауы керек»,- деді.
Sepah News ақпарат агенттігінің хабарлауынша, генерал-майор Хұсейн Салами бүгін сенбі күні Иран Ислам кеңесінің төрағасы Мұхаммад Бақер Қалибафпен кездесуден кейін: «Егер Ислам революциясы Сақшылар корпусының, әсіресе «Құдс» күштері мен шәһид Сүлеймани басшылығының күш-жігері болмағанда, америкалықтар жасаған лаңкестік жанартау еуропалықтарға таралып, Еуропада бүгінгі күні қауіпсіздік жойылар еді. Еуропа өзін екі рет дүниежүзілік соғысқа салды және бүгін сол бұрынғы соғыстардың қирандыларында жаңа Еуропа құрылды. Еуропа бұрынғы қателіктерінен сабақ алған жоқ және мұндай мәлімдемелер арқылы сенім, күш пен ерік-жігерге толы осы алып күшті шайқауға болады деп ойлайды. Еуропалықтар Ислам революциясы Сақшылар корпусын өздерінің әскери күштері сияқты Ислам революциясы Сақшылар корпусы мен Басиждің Иран халқы мен ұлтының бір бөлігі екенін білмей, таза әскери күш деп санайды»,- деп мәлімдеді.
