Теһран жұма намазының құтпалары
Теһран жұма намазының құтпагері: "Иранның Жоғары соты оқушылардың улану мәселесіне қатыстыларға қатаң қатынас көрсетуі тиіс",-деді.
Iran Press ақпарат агенттігінің хабарлауынша, аятолла Ахмад Хатами Теһран жұма намазының құтпаларында Ислам революциясы жетекшісінің оқушылардың улану мәселесін тексеріп, бұған қатыстыларға қатаң қатынас көрсетуге бұйрық бергенін айтып: "Иранның Жоғары соты осы мәселеге қатысты әлеуметтік желілерде қауесет тарататын адамдарға да қатаң қатынас көрсетуі тиіс",-деді.
Аятолла Ахмад Хатами: "Дұшпандар бұл оқиғадан үш мақсатты көздейді. Біріншіден, елде қауіпсіздікті бұзып, қоғамда тынышсыздық тудырады. Өйткені қауіпсіздікті сезіну қауіпсіздіктің өзінен маңыздырақ. Екінші мақсат – Иран перзенттерінің білім алуын және ғылыми дамуын тоқтату. Үшінші мақсат – ИИР жүйесі мен діндар адамдарға айып тағу. Бұл – жүз пайыз күнә болып саналатын айыптардың бірі",-деді.
