Исмаил Ханиенің Теһранға сапары және Хұсейн Амирабдуллахианмен кездесуі

Палестина исламдық қарсыласу қозғалысы (Хамас) саяси кеңсесінің басшысы Исмаил Хание  сейсенбі Теһранға барып, Иран Сыртқы істер министрі Хұсейн Амирабдуллахианмен кездесіп, Газадағы оқиғаларды талқылады.

IRNA ақпарат агенттігінің хабарлауы бойынша, Газа соғысының соңғы жағдайын зерттеу және сионистік режимнің Газа секторы мен Иордан өзенінің батыс жағалауындағы палестиналықтарға үздіксіз басқыншылық жасауы осы сапардың маңызды тақырыптарының бірі.  

Ханиенің Теһранға сапары БҰҰ Қауіпсіздік Кеңесі Газада тез арада атысты тоқтату қажеттігі туралы қарар қабылдағаннан кейін бір күн өткен соң болды.