Иранның ғарыш саласындағы табандылығы Батыстың санкцияларын жеңді
ParsToday - Bloomberg талдау есебінде Иранның ғарыш бағдарламасының барысын талқылады.
Bloomberg жақында бір баяндамасында былай деп жазды: «Батыс санкцияларына қарамастан, өзінің мықты ерік-жігеріне сүйенген Иран қысымға тойтарыс беріп қана қоймай, сонымен бірге аймақтың ғарыштық державаларының біріне айналып, дұшпандарының алаңдаушылығын тудырды». ParsToday ақпарат агенттігінің хабарлауынша, Bloomberg: Иранның ғарыш саласындағы жетістіктері Иранның ғарыш ұйымы мен Революция Сақшылар күшінің ғарыш бөлімшесінің жер серіктерін ұшыруы мен зымыран тасығыштарын жасауын қамтиды.
Бұл жетістіктер Теһранның сыртқы қысымдарға қарсы ғылыми және қорғаныс қабілетін нығайтуға деген табандылығын көрсетеді. Иранның экономикалық және саяси шектеулерге қарамастан бұл бағдарламаны ілгерілету мүмкіндігі әлем назарын өзіне аударды.
Чабахар: Иранның ғарыштық жүрек соғысы
Иранның оңтүстік-шығысындағы Чабахар порты жартасты жағалаулары мен Марс таулары Иранның ғарыштық амбицияларының негізгі орталығына айналды. Экваторға жақын орналасуы қуаттырақ зымырандарды ұшыруға мүмкіндік береді.
Санкциялар және жеңілмейтін ерік
Америка Құрама Штаттары, әсіресе Дональд Трамптың бірінші кезеңінде, Иран ғарыш ұйымы мен Сақшылар корпусы ғарыш бөліміне санкция салу арқылы бұл бағдарламаны тоқтатуға тырысты, бірақ Иран өткен қараша айында 11 миллион долларлық бюджетпен айтарлықтай прогреске қол жеткізді.
Батыстың Иранға қарсы сәтсіздігі
Батыс Иранның ілгерілеуін тоқтату үшін санкциялар мен қоқан-лоққы қаруларын қолданады. 2024 жылдың қыркүйегінде Ұлыбритания Сақшылар копусы Аэроғарыш күштерінің ғарыш департаментінің басшысы, бригада генералы Али Джафарабадиге санкция салды. Сол жылдың қазан айында Еуропа Одағы да Джафарабади мен Иранның ғарыш ұйымына баллистикалық зымыран технологиясын дамытқаны үшін санкция салды. Бұл санкциялар Батыстың Иранды тежей алмау туралы алаңдаушылығын көрсетеді.
