Тоқаев коронавирустың бүкіл әлемде таралуына алаңдаушылық білдірді
Қазақстан Президенті коронавирустың бүкіл әлемде таралуына алаңдаушылық білдірді.
Fars News ақпарат агенттігінің мәліметінше, Қасым-Жомарт Тоқаев Twitter-дегі жолдауында: «Коронавирустың бүкіл әлемде таралуы алаңдатарлық жағдай туғызды. Үкіметке мемлекеттік және экономикалық институттардың қызметіне зиян тигізбестен өз азаматтарының денсаулығын сақтау бойынша шаралар қабылдау тапсырылды»,- деп жазды.
Дүниежүзілік денсаулық сақтау ұйымының Бас директоры Тедрос Адханом Гебрейесус жұма күні кешке коронавирусқа шалдыққандардың және оның таралған елдер санының артуына тоқталып: «Бұл ұйым коронавирустың таралуы салдарының деңгейін «жоғарыдан» «өте жоғарыға» көтерді»,- деп жариялады. Дүниежүзілік Денсаулық сақтау ұйымының Бас директоры мемлекеттерді бұл ауруға қарсы күресуге ынтымақтастық етуге шақырып: «Осы кезде әлемнің ең үлкен дұшпаны коронавирус емес, алаңдаушылық пен қауесет»,- деді.
