Қазақстанда кейбір азық-түлік өнімдерінің экспортына тыйым салынды

Қазақстанның Сауда министрі елде 15 сәуірге дейін кейбір азық-түлік өнімдерінің экспортына тыйым салынғанын хабарлады.

Fars News ақпарат агенттігінің бейсенбі күнгі мәліметінше, Бақыт Сұлтанов Қазақстан азаматтарын толық қамтамасыз ету мақсатында бидай, шекер, картоп пен сұйық май сияқты өнімдер экспортының уақытша тоқтатылғанына назар аудартып, тыйымның 15 сәуірге дейін жалғасатынын айтты. Қазақстанда коронавирустың таралуына байланысты төтенше жағдай жарияланып, Нұр-Сұлтан мен Алматы қалаларына енуге тыйым салынды.