Тоқаев пен Мирзиеев аймақтық әріптестік туралы сұхбаттасты
Қаң 23, 2022 18:34 Asia/Almaty
Қазақстан мен Өзбекстанның басшылары телефон арқылы сұхбаттасып, екіжақты қарым-қатынас пен аймақтық әріптестік мәселелерін талқылады.
Өзбекстан Президенті Шавкат Мирзиеев пен Қазақстан Президенті Қасым-Жомарт Тоқаев екі елдің саяси қатынасы деңгейіне ризалық білдіріп, сауда айналымын арттырып, әріптестікті нығайтып, аймақаралық және мәдени алыс-берісті дамыту қажеттігін айтты.
Қазақстан мен Өзбекстан басшылары, сондай-ақ, конструктивті әріптестікті дамыту, соның ішінде сауда мен логистика, машина жасау, энергетика, ауыл шаруашылығы, фармацевтика, жеңіл өнеркәсіп пен тамақ өнеркәсібі салаларында ортақ жобаларды ілгерілету қажеттігін қуаттады.
