Өзбекстан мен Қазақстан төтенше жағдайлардың алдын алу саласында әріптестік жасайды

Өзбекстан Президенті Шавкат Мирзиеев Ташкент пен Нұр-Сұлтан арасында төтенше жағдайлардың алдын алу және салдарын жою саласында әріптестік жасау туралы келісімді бекітті.

Осы келісімге қол қою рәсімі өткен жылы желтоқсан айында Өзбекстан Президентінің Қазақстанға ресми сапары аясында өткен болатын.  

Бұл құжатта төтенше жағдайға қатысты мекемелердің табиғи және техникалық апаттардың алдын алу және олардың салдарын азайту саласында тиімді түрде  әріптестік жасау үшін практикалық шаралар атқаруы қарастырылған. Құжатта трансшекаралық төтенше оқиғалардың алдын алу баса айтылған.